პარლამენტის თავმჯდომარის დავით უსუფაშვილის განცხადებით, საქართველომ ვიზალიბერალიზაციის სამოქმედო გეგმითღ ნაკისრი ყველა ვალდებულება წარმატებით შეასრულა.

უსუფაშვილის თქმით,  ქართველი ხალხი იმსახურებს ევროკავშირის ქვეყნებში უვიზო მიმოსვლის შესაძლებლობით.

ამასთან, როგორც „ექსპრესნიუსს“ საქართველოს პარლამენტიდან აცნობეს, ევროპის საბჭოს საპარალამენტო ასამბლეის მონიტორინგის კომიტეტის თანამომხსენებლების ბორის სილევიჩის და კერსტინ ლუნდგრენის ვიზიტი საქართველოში გრძელდება.

მათივე ინფორმაციით, სტუმრებს სამუშაო ვახშამზე დავით უსუფაშვილმა უმასპინძლა.

მხარეებმა საქართველოს ევროპულ და ევროატლანტიკურ სტრუქტურებში ინტეგრაციის პროცესზე ისაუბრეს.

დავით უსუფაშვილმა კიდევ ერთხელ, ხაზგასმით აღნიშნა, რომ საქართველომ ვიზალიბერალიზაციის სამოქმედო გეგმით ნაკისრი ყველა ვალდებულება წარმატებით შეასრულა და ქართველი ხალხი იმსახურებს ევროკავშირის ქვეყნებში უვიზო მიმოსვლის შესაძლებლობით უახლოეს მომავალში ისარგებლოს.

 საუბარი შეეხო მოახლოებულ საპარლამენტო არჩევნებს, ასევე, მის მშვიდ და დემოკრატიულ გარემოში ჩატარების მნიშვნელობას. მხარეებმა რეგიონში მიმდინარე პროცესები და ქვეყანაში არსებული მედიაგარემო მიმოხილეს და ადამიანის უფლებების დაცვის კუთხით არსებულ მდგომარეობასა და გამოწვევებზე იმსჯელეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაღაზიების ძარცვის ბრალდებით, წარსულში ნასამართლევი 15 წლის მოზარდი დააკავეს

ციფრული ტრანსფორმაციის პრაქტიკული შედეგები: როგორ ცვლის „თეგეტა ჰოლდინგი“ იურიდიულ პროცესებს Lawformer-თან პარტნიორობით

თიბისი კაპიტალმა მაკროეკონომიკური განახლება გამოაქვეყნა განახლებული პროგნოზები: უფრო მაღალი ეკონომიკური ზრდა, ინფლაცია, და სტაბილური ლარი

Amnesty International - საქართველოში ქალი მომიტინგეები ხდებოდნენ გენდერული და სექსუალური ძალადობის სამიზნე