„ახალი მემარჯვენეების“ თავმჯდომარის მამუკა კაციტაძის განცხადებით, საარჩევნო სისტემასთან დაკავშირებით არასაპარლამენტო ოპოზიციას უკვე წარდგენილი აქვს „ქართული ოცნებისთვის“ გერმანული მოდელი როგორც სარეზერვო ვარიანტი.

კაციტაძის განცხადებით, თუ საკონსტიტუციო ცვლილება ან ჩავარდება ან გაიწელება ბუნებრივია ისინი უახლოეს მომავალში ახალ ინიციატივას შეიტანენ.

„ჯერ კიდევ გარკვეული კონსულტაციებია საჭირო ცალკეულ ფრაქციებთან. ჩვენ უახლოეს მომავალში გავხდებით მოწმე საქართველოს პარლამენტში ახალი ინიციატივის რომ საარჩევნო კოდექსში დაიწყოს ცვლილება გერმანული ვარიანტის დასამკვიდრებლად, თუმცა ჯერ კიდევ გარკვეული კონსულტაციებია საჭირო გარკვეულ ფრაქციებთან რომლებთანაც მე მქონდა შეხვედრა და პოზიტიურად ვარ განწყობილი.

არ მინდა მოვლენებს გავასწრო და მომავალ კვირამდე კიდევ გარკვეული სამუშაოები იქნება ჩასატარებელი. ვადასტურებ, რომ ჩვენ ალტერნატივად გერმანული მოდელი გვაქვს წარდგენილი, რომელიც მხარდაჭერილია საპარლამენტო ჯგუფების მხრიდან. უბრალოდ დამატებითი კონსულტაციები იქნება საჭირო და მომავალ კვირაში ეს პროცესი დაიწყება“, - განაცხადა მამუკა კაციტაძემ.

შეგახსენებთ, პრეზიდენტის ადმინისტრაციის წარმომადგენლებსა და ოპოზიციური პარტიის წევრებს შორის საარჩევნო სისტემასთან დაკავშირებით შეხვედრა გაიმართა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაღაზიების ძარცვის ბრალდებით, წარსულში ნასამართლევი 15 წლის მოზარდი დააკავეს

ციფრული ტრანსფორმაციის პრაქტიკული შედეგები: როგორ ცვლის „თეგეტა ჰოლდინგი“ იურიდიულ პროცესებს Lawformer-თან პარტნიორობით

თიბისი კაპიტალმა მაკროეკონომიკური განახლება გამოაქვეყნა განახლებული პროგნოზები: უფრო მაღალი ეკონომიკური ზრდა, ინფლაცია, და სტაბილური ლარი

Amnesty International - საქართველოში ქალი მომიტინგეები ხდებოდნენ გენდერული და სექსუალური ძალადობის სამიზნე