დღეს ევროპის საბჭოს საპარლამენტო ასამბლეის წარმომადგენლები საქართველოს ეწვევიან, - ამის შესახებ ინფორმაცია საბჭოს ოფიციალურ ვებგვერდზე გამოქვეყნდა.

საპარლამენტო ასამბლეის თანამომხსენებლები ბორის სილევიჩი და კერსტინ ლუნდგრენი საქართველოს მიერ ნაკისრი ვალდებულებების შესრულების მონიტორინგს განახორციელებენ.

როგორც განცხადებაშია ნათქვამი, თბილისში ვიზიტის დროს, თანამომხსენებლები საქართველოს პრეზიდენტს, პარლამენტის თავმჯდომარეს, პრემიერ-მინისტრსა და მინისტრთა კაბინეტის წარმომადგენლებს, ასევე საკონსტიტუციო და უზენაესი სასამართლოს თავმჯდომარეებს, სახალხო დამცველსა და ცესკოს თავმჯდომარეს შეხვდებიან.

ასევე დაგეგმილია შეხვედრები ქართულ დელეგაციასთან ევროპის საბჭოს საპარლამენტო ასამბლეაში, სხვადასხვა პოლიტიკური პარტიის წარმომადგენლებთან, საპარლამენტო ფრაქციებთან, დიპლომატებსა და არასამთავრობო ორგანიზაციების წარმომადგენლებთან.

ევროპის საბჭოს საპარლამენტო ასამბლეის წარმომადგენლების ვიზიტი 5 მაისამდე გაგრძელდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფეიქრიშვილის საქმე: პროკურატურამ პენიტენციურის უფროსისთვის უფლებამოსილების შეჩერების რეკომენდაცია გასცა

გახარია საქართველოსთვის საპარლამენტო მანდატებზე უარს იტყვის საკონსტიტუციოს მიერ პარტიის აკრძალვის შემთხვევაში

Politico - ევროკავშირი წლის ბოლომდე უკრაინისთვის 45 მილიარდი ევროს ოდენობის სესხის გამოყოფას გეგმავს.

პაპუაშვილი - იმაზე სამჯერ მეტი ადამიანი მონათლა გუშინ პატრიარქმა ზემო აჭარაში, ვიდრე თბილისში აქციაზე ვიხილეთ