საქართველოს პრეზიდენტმა სახელმწიფო დელეგაციასთან ერთად კიევში „ღირსების მარშში“ მიიღო მონაწილეობა, რომელიც უკრაინის „ღირსების რევოლუციის“ წლისთავთან დაკავშირებული ღონისძიებების ფარგლებში გაიმართა.

მსვლელობა ინსტიტუტის ქუჩიდან დაიწყო და ყველა ის ქუჩა გაიარა, სადაც ერთი წლის წინ უკრაინის დედაქალაქში საპროტესტო გამოსვლების დარბევას 100 დემონსტრანტი, ე.წ. „ზეციური ასეული“ და 20 პოლიციელი ემსხვერპლა.

პეტრო პოროშენკო და ევროპელი ლიდერები მოედანზე ლამპრებით ხელში გამოვიდნენ. მათი ხელმძღვანელობით „ღირსების მარშში“ მონაწილეები დამოუკიდებლობის მოედანზე შეჩერდნენ, სადაც ევროკავშირის ჰიმნი შესრულდა და დაღუპულების სულების მოსახსენებელი პანაშვიდი გაიმართა.

ღონისძიებაში საქართველოს პრეზიდენტთან ერთად ასევე მონაწილეობდა რამდენიმე ქვეყნის პრეზიდენტი, მათ შორის ლიტვის პრეზიდენტი დალია გრიბაუსკაიტე, გერმანიის პრეზიდენტი იოაჰიმ გაუკი, მოლდოვას პრეზიდენტი ნიკოლაე ტიმოფტი, პოლონეთის პრეზიდენტი ბრონისლავ კომოროვსკი, სლოვაკეთის პრეზიდენტი ანდრეი კისკა, ევროკავშირის პრეზიდენტი დონალდ ტუსკი და სხვა ლიდერები. უკრაინის „ღირსების რევოლუციის“ წლისთავისადმი მიძღვნილ მსვლელობაში უკრაინის პატრიარქი ფილარეტიც მონაწილეობდა. მშვიდობისთვის ლოცვა  დამოუკიდებლობის მოედანზე დასრულდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინის შეიარაღებული ძალების თავდასხმების გამო, პუტინმა რუსეთში საზოგადოებრივი გადაადგილება სრულად შეაჩერა

რუსეთში ვარდები და მიხაკები გაძვირდება სომხეთიდან ყვავილების იმპორტის აკრძალვის გამო

ხაბეიშვილი - ქოცების ხელში დავრჩებით მანამ, სანამ არ მოვიკრებთ გამბედაობას და არ გადავალთ შეტევაზე

ქართველ მწერალთა სახლს შეუერთდებიან ჭავჭავაძის, წერეთლის, ტაბიძის და სხვათა მუზეუმები