ესღა გვაკლდა, რომ დავით უსუფაშვილმა დაგვიკომპლექტოს ,,ქართული ოცნების“ პარტიული სია, - ასე გამოეხმაურა დეპუტატი ომარ ნიშნიანიძე საქართველოს პარლამენტის თავმჯდომარის, დავით უსუფაშვილის ბრიუსელში გაკეთებულ განცხადებას.

როგორც ნიშნიანიძე ჟურნალისტებთან საუბრისას აღნიშნა, მისთვის უცნობია, თუ ვის გულისხმობდა პარლამენტის თავმჯდომარე აღნიშნული განცხადების გაკეთებისას.

"ესღა გვაკლდა, რომ დავით უსუფაშვილმა დაგვიკომპლექტოს "ქართული ოცნების“ პარტიული სია. უსუფაშვილმა, ჩემთვის ძალიან საპატივცემულო ადამიანმა, "რესპუბლიკური პარტიის" პარტიულ სიას მიხედოს. როგორმე მოვაგვარებთ ჩვენ ,,ქართული ოცნების“ პარტიულ სიას. მე არ ვიცი, ვინ იგულისხმა უსუფაშვილმა ამ შემთხვევაში, თუმცა მე, ომარ ნიშნიანიძეს, ეროვნული მოძრაობიდან მოსულს, მიმაჩნია, რომ ამ შემთხვევაში არაფერს ცუდს   "ოცნებას", პარტიას, მოძრაობას არ ვუკეთებთ. შეიძლება, უსუფაშვილმა ვინმე კონკრეტულად იგულისხმა. არა მგონია, რომ  მე და ჩემი მეგობრები გვიგულისხმა“, - განაცხადა ომარ ნიშნიანიძემ.

საქართველოს პარლამენტის თავმჯდომარე დავით უსუფაშვილმა ვიზალიბერალიზაციის პროცესში გასათვალისწინებელ "სამ მცირე“ პრობლემაზე ბრიუსელში, ქართველ ჟურნალისტებთან საუბრის დროს განაცხადა. ასეთ პრობლემებად უსუფაშვილმა გეოპილიტიკური ვითარება, "ნაცმოძრაობის" წარმომადგენელთა მცდელობები და "ქართული ოცნების" ზოგიერთი წევრის, "არცთუ ნორჩი ლენინელებისა და სტალინელების" განცხადებები დაასახელა.

"ბევრია  გასაკეთებელი,  რათა ყველამ მკაფიოდ დაინახოს, რომ „ქართული ოცნების“ ზოგიერთი, არცთუ ნორჩი „ლენინელების“ და „სტალინელების“ განცხადებები არ გამოხატავს საქართველოს მთავრობის პოზიციას",- აღნიშნა საქართველოს პარლამენტის თავმჯდომარემ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფეიქრიშვილის საქმე: პროკურატურამ პენიტენციურის უფროსისთვის უფლებამოსილების შეჩერების რეკომენდაცია გასცა

გახარია საქართველოსთვის საპარლამენტო მანდატებზე უარს იტყვის საკონსტიტუციოს მიერ პარტიის აკრძალვის შემთხვევაში

Politico - ევროკავშირი წლის ბოლომდე უკრაინისთვის 45 მილიარდი ევროს ოდენობის სესხის გამოყოფას გეგმავს.

პაპუაშვილი - იმაზე სამჯერ მეტი ადამიანი მონათლა გუშინ პატრიარქმა ზემო აჭარაში, ვიდრე თბილისში აქციაზე ვიხილეთ