აჭარის მთავრობის ოფიციალური ვიზიტი უკრაინაში, კერძოდ ნიკოლაევის ოლქში გრძელდება.

აჭარის მთავრობის ადმინისტრაციის პრესსამსახურის ინფორმაციით, დღეს ბიზნეს-ფორუმი „ნიკოლაევი-ბათუმი" გაიმართა, სადაც აჭარის რეგიონის საინვესტიციო-ტურისტული პოტენციალის პრეზენტაცია გაკეთდა. რეგიონის ეკონომიკურ განვითარებასა და გამოწვევებზე მასპინძელი მხარის შეკითხვებს აჭარის მთავრობის თავმჯდომარემ არჩილ ხაბაძემ პირადად უპასუხა. ანალოგიური პრეზენტაცია უკრაინული მხარის მიერაც იქნა წარმოდგენილი.

გარდა ამისა, დღეს დილით, დელეგაციის წევრებმა ჩერნობილის ტრაგედიიდან 30 წლისთავის აღნიშვნის ცერემონიალში მიიღეს მონაწილეობა. ხსოვნისადმი მიძღვნილი ღონისძიება „ჩერნობილის ატომური ელექტროსადგურის ავარიის ლიკვიდატორთა გმირობის პარკში" გაიმართა.

ვიზიტის ფარგლებში აჭარის მთავრობის დელეგაციამ მოინახულა საზღვაო პორტების ადმინისტრაციის ნიკოლაევის ფილიალი „დელტა-ლოცმანი". დღესვე, ნიკოლაევისა და ბათუმის საზღვაო პორტებს შორის გაფორმდება თანამშრომლობის მემორანდუმი.

დღის მეორე ნახევარში, ბიზნეს-ფორუმის ფარგლებში, უკრაინელი და ქართველი ბიზნეს სექტორის წარმომადგენლების В2В შეხვედრა გაიმართება, რომლის დროსაც ბიზნესმენები ერთმანეთს კონკრეტულ შეთავაზებებს გააცნობენ.

მოგვიანებით დაგეგმილია კულტურული ღონისძიებები და ნიკოლაევის მხარეთმცოდნეობის მუზეუმის მონახულება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინა რუსეთს ზედიზედ მესამე დღეა უტევს რეკორდული რაოდენობის დრონებით

რუსეთის საარჩევნო კომისია, საზღვარგარეთ მცხოვრებ რუსებს არჩევნებში მონაწილეობის მიღებას აუკრძალავს, ივანიშვილის რეჟიმმა პუტინს ნახევარი წლით დაასწრო

კობახიძე ოკუპირებულ აფხაზეთში საწვავის შეტანაზე- ჩვენთვის მიზანი არა ფულის შოვნა, არამედ ნდობის აღდგენა იყო

კობახიძე- თეორიულადაც ვერ წარმომიდგენია, რატომ შეიძლება შეექმნას ღარიბაშვილის ოჯახს საფრთხე