საქართველოს თავდაცვის მინისტრის პირველი მოადგილე დიდი ბრიტანეთისა და ჩრდილოეთ ირლანდიის გაერთიანებულ სამეფოში იმყოფებოდა.

უწყების ინფორმაციით, გოჩა რატიანმა დიდი ბრიტანეთის თავდაცვის აკადემიაში მაღალი დონის სტრატეგიული მმართველობის პროგრამაში მიიღო მონაწილეობა.

სხდომის მონაწილეებითვის სიტყვით მიმართვისას საქართველოს თავდაცვის მინისტრის პირველმა მოადგილემ მასპინძელ მხარეს საქართველოსა და დიდი ბრიტანეთის თავდაცვის აკადემიებს შორის თანამშრომლობისა და მხარდაჭერისთვის მადლობა გადაუხადა. გოჩა რატიანმა ყურადღება ნატო-საქართველოს არსებითი პაკეტის განხორციელების მნიშვნელობასა და  უწყების სამომავლო პრიორიტეტებზეც გაამახვილა.

ამასთან, სტრატეგიული მმართველობის პროგრამის  ფარგლებში, 28 ქვეყნის თავდაცვის უწყების მაღალჩინოსნებთან ერთად, გოჩა რატიანმა თავდაცვისა და უსაფრთხოების სექტორში სტრატეგიული მართველობის შესახებ დისკუსიებში მიიღო მონაწილეობა. მათ მმართველობის თეორიებსა და პარადიგმებზე, სტრატეგიულ განვითარებაზე, საერთაშორისო სამართლის საკითხებზე, ანგარიშვალდებულებასა და დემოკრატიული მმართველობის საკითხებზეც იმსჯელეს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საერთაშორისო გამჭვირვალობა - - ვახო სანაია ისჯება ბიძინა ივანიშვილისა და „ქართული ოცნების“ რეჟიმის მხილების, პრინციპული პოზიციისა და საქართველოს ევროპული მომავლისთვის ბრძოლის გამო

ზურაბიშვილი ვახო სანაიაზე - საქართველო მოსკოვის სცენარს სიტყვასიტყვით იმეორებს

საქართველოს ექსპორტი $6.1 მილიარდამდე გაიზარდა - პირველ ადგილზეა მსუბუქი ავტომობილები

ჟურნალისტ ვახო სანაიას სოციალურ ქსელში დაწერილი პოსტის გამო 30-დღიანი პატიმრობა შეუფარდეს