|
2016-04-22 10:39:11, 499 ნახვა
საზოგადოება
პროექტი „გოგონათა კლუბი“ რეგიონებშიც გრძელდება
საქართველოს იუსტიციის სამინისტროს სსიპ „დანაშაულის პრევენციის ცენტრის“ ინიციატივით, მესტიის 14-დან 18 წლამდე ასაკის მოზარდ გოგონებთან ტრენინგ-შეხვედრა ჩატარდა. მესტიაში პროექტი "გოგონათა კლუბი“ ადგილობრივი მუნიციპალიტეტის გამგეობის მხარდაჭერით განხორციელდა. პროექტის ფარგლებში მოსწავლეები გაეცნენ ბავშვთა უფლებათა კონვენციას, მიიღეს ინფორმაცია საქართველოს კანონმდებლობის შესახებ. განსაკუთრებული ინტერესი გამოიწვია არასრულწლოვანთა ქორწინებისა და განათლების უფლებებმა. შეხვედრა მესტიის მიხეილ ხერგიანის #2 საჯარო სკოლაში გაიმართა. ანალოგიური ტრენინგები ჩატარდა სამეგრელოს რეგიონის რამდენიმე სოფელშიც. ჭალადიდის, ორსანტიასა და რუხის საჯარო სკოლის მოსწავლეებმა მოისმინეს პიროვნული განვითარების, კარიერული წინსვლის, სამოქალაქო აქტივიზმის, პრობლემების იდენტიფიცირებისა და ბავშვის უფლებათა კონვენციის შესახებ ლექციები. ტრენინგები საზოგადოებრივ ცენტრებსა და სკოლაში მიმდინარეობდა. პროექტი „გოგონათა კლუბი" მეორე წელია იუსტიციის სამინისტროს სსიპ „დანაშაულის პრევენციის ცენტრის“ მედიაციის სახლში მიმდინარეობს. მისი მიზანია გოგონებში ცხოვრებისათვის საჭირო უნარ-ჩვევების განვითარება, რაც მომავალში დაეხმარება მათ ჯანსაღ, ძლიერ პიროვნებებად ჩამოყალიბებაში. პროგრამა მოიცავს ტრენინგებს და ასევე, შეხვედრებს წარმატებულ ქალბატონებთან. თბილისის მედიაციის სახლში მოზარდისადმი კეთილგანწყობილი სივრცეა შექმნილი და ეხმარება ბენეფიციარს თავისუფალი დრო ნაყოფიერად, საინტერესოდ გაატაროს. სისტემატურად იმართება სამიზნე ჯგუფების საჭიროებებზე მორგებული ტრენინგები და საგანმანათლებლო სემინარები.
|
რედაქტორის რჩევით
პუტინმა ევროკავშირში მთავარი მოკავშირე დაკარგა: ორბანმა უნგრეთის არჩევნები წააგო
სახელისუფლებო აქტორებმა პატრიარქის სახელი ოპონენტების დისკრედიტაციისთვის გამოიყენეს
ომი უკრაინაში
უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი
კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.
ვიდეო/LIVE პატრიარქის ილია მეორის დაკრძალვა - პირდაპირი
ფასების კომისიის თავმჯდომარე ბერეკაშვილმა სამშენებლო ბიზნესიდან 4,5 მლნ ლარზე მეტი მიიღო
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



epn.ge (@expressnews.ge)