გიორგი მარგველაშვილი საფრანგეთში ოფიციალური ვიზიტის ფარგლებში, ელისეის სასახლეში საფრანგეთის პრეზიდენტს ფრანსუა ოლანდს შეხვდება. 

პრეზიდენტების შეხვედრის დაწყებამდე ვიზიტი საქართველოს პრეზიდენტის ადმინისტრაციის უფროსმა გიორგი აბაშიშვილმა შეაფასა.

მისი განცხადებით, ძალიან მნიშვნელოვანია, რომ მრავალწლიანი პაუზის შემდეგ, ეს არის საქართველოს პრეზიდენტის პირველი ოფიციალური ვიზიტი, თუმცა მანამდე ფრანსუა ოლანდი საქართველოში იმყოფებოდა.

როგორც "ექსპრესნიუსს" პრეზიდენტის ადმინისტრაციიდან აცნობეს, შეხვედრაზე ყველა ის აქტუალური პოლიტიკური და ეკონომიკური საკითხი განიხილება, რომელიც ორი ქვეყნის ურთიერთობების დღის წესრიგში დგას, მათ შორის განსაკუთრებული ყურადღება ქვეყნის ევროპულ და ევროატლანტიკურ ინტეგრაციის გაძლიერებას და ამ თვალსაზრისით საფრანგეთის მხარდაჭერას და ხელშეწყობას დაეთმობა. 

ასევე განსაკუთრებული ყურადრება, ტურიზმისა და ინვესტიციების თვალსაზრისით, ორმხრივი ეკონომიკური თანამშრომლობის გაღრმავებას დაეთმობა.

საქართველოს პრეზიდენტის დელეგაციის შემადგენლობაში არიან საქართველოს პრეზიდენტის ადმინისტრაციის უფროსი გიორგი აბაშიშვილი, ეროვნული უშიშროების საბჭოს მდივანი ირინე იმერლიშვილი, დიასპორის საკითხებში საქართველოს სახელმწიფო მინისტრი გელა დუმბაძე, საგარეო საქმეთა მინისტრის მოადგილე დავით დონდუა, საქართველოს ელჩი საფრანგეთში ეკა სირაძე-დელონი, საქართველოს პრეზიდენტის საერთაშორისო მდივანი თენგიზ ფხალაძე და პოლიტიკური მდივანი ფიქრია ჩიხრაძე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფეიქრიშვილის საქმე: პროკურატურამ პენიტენციურის უფროსისთვის უფლებამოსილების შეჩერების რეკომენდაცია გასცა

გახარია საქართველოსთვის საპარლამენტო მანდატებზე უარს იტყვის საკონსტიტუციოს მიერ პარტიის აკრძალვის შემთხვევაში

Politico - ევროკავშირი წლის ბოლომდე უკრაინისთვის 45 მილიარდი ევროს ოდენობის სესხის გამოყოფას გეგმავს.

პაპუაშვილი - იმაზე სამჯერ მეტი ადამიანი მონათლა გუშინ პატრიარქმა ზემო აჭარაში, ვიდრე თბილისში აქციაზე ვიხილეთ