„MAP-ი არის წარსული საქართველოსთვის,“ - ასე გამოეხმაურა თავდაცვის მინისტრი თინა ხიდაშელი ჟურნალისტებთან საუბრისას ნატოს სამოქმედო გეგმის საკითხს.

მინისტრის განცხადებით, ვარშავის სამიტზე, რომელსაც ის მინისტრის რანგში თავად დაესწრება, საქართველოს გაცილებით მეტი მოლოდინი აქვს.

თავდაცვის უწყების ხელმძღვანელის განმარტებით, საქართველოს ნატო-ში ინტეგრაციისთვის ყველა ინსტრუმენტი აქვს და ქვეყანამ ყველა ის დავალება შეასრულა, რომელიც მას ბრიუსელმა მისცა.

ჩრდილოატლანტიკურ ალიანსთან ინტეგრაციის გზაზე ერთ-ერთ ყველაზე დიდ მიღწევად, ხიდაშელის განცხადებით, ნატო-საქართველოს ერთობლივი საწვრთნელი ცენტრია, რომელიც რამდენიმე კვირაში ამოქმედდება.

„MAP-ი არის ერთგვარი წარსული საქართველოსთვის. 2015 წლის დეკემბრის მინისტერიალზე ეს ასეც ითქვა, რომ MAP-ი გახდა პოლიტიკური პროცესის ნაწილი და მას არაფერი საერთო აღარ აქვს პრაქტიკულ ინსტრუმენტებთან, რადგან შეგახსენებთ, დოკუმენტში ცალსახად ჩაიწერა, რომ საქართველოს აქვს ყველა ინსტრუმენტი გაწევრიანების გზაზე. ამიტომ, ჩვენთვის MAP-ი არ არის ამოცანა,“ - განაცხადა თინა ხიდაშელმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Politico - ევროკავშირი წლის ბოლომდე უკრაინისთვის 45 მილიარდი ევროს ოდენობის სესხის გამოყოფას გეგმავს.

პაპუაშვილი - იმაზე სამჯერ მეტი ადამიანი მონათლა გუშინ პატრიარქმა ზემო აჭარაში, ვიდრე თბილისში აქციაზე ვიხილეთ

სამადაშვილი - რუსების მოკავშირე ავტოკრატია დაემხო სერბეთში. რუსეთმა და ივანიშვილის რეჟიმმა კიდევ ერთი მოკავშირე დაკარგა

transparency international - ოცნება სულ მცირე 800 000 მოქალაქეს პოლიტიკური არჩევანის გარეშე დატოვებს