ხარისხის ნიშნის „რეკომენდებულია ტურიზმის დეპარტამენტის მიერ“ მსურველთა ტექნიკური შემოწმების პირველი ეტაპი დასრულდა.

აჭარის ტურიზმის დეპარტამენტის მონიტორინგის ჯგუფმა პროექტში ჩართული 30-ზე მეტი განთავსებისა და კვების ობიექტი შეამოწმა. მონიტორინგისას ტურისტულ ობიექტებში ძირითადათ ტექნიკური და უსაფრთხოების სტანდარტები შემოწმდა, რომლებიც მსოფლიოში აღიარებულ HotRec, Hot Star union 21 პრინციპს ემყარება. მონიტორინგის ჯგუფმა ტექნიკური შემოწმებისას გამოვლენილი ხარვეზების შესახებ  ტურისტულ ობიექტებს წერილობითი რეკომენდაციები მიაწოდა. 

1 მაისიდან ტექნიკურ შემოწმების მეორე ეტაპი დაიწყება, რომელსაც მხოლოდ ის განთავსებისა და კვების ობიექტები გაივლიან, რომლებსაც ხარვეზების აღმოსაფხვრელად გამოსასწორებელი ვადა აქვთ მიცემული. მონიტორინგის პარალელურად სერვისის ხარისხის ტურისტულ ოებიექტებში  „იდუმალი სტუმარი“ დაადგენს.

„მოიტორინგის პირველადი შედეგები შეიძლება ითქვას დადებითია, თუმცა რიგ შემთხვევებში გამოვლენილი ხარვეზები დასახვეწი და გამოსასწორებელია. ჩვენ უკვე მივაწოდეთ წერილობითი რეკომენდაციები ობიექტებს, თუ რა და როგორ უნდა გამოასწორონ მონიტორინგის მეორე ეტაპის დაწყებამდე.  მონიტორინგის ორივე ეტაპზე, ობიექტებში სანიტარული და სურსათუვნებლობის მონიტორინგის მიზნით შევა სურსათის ეროვნული სააგენტო ან შესაბამისი მუნიციპალიტეტის სანიტარული ზედამხედველობის სამსახურის წარმომადგენლები. 15 მაისიდან მონიტორინგის დამუშავებულ შედეგებს ჩვენ რეგიონულ მრჩეველთა საბჭოს წარვუდგენთ და პირველი ივნისისთვის უკვე ერთობლივად გადავწყვეტთ ვინ მიიღებს ხარისხის ნიშანს “რეკომენდებულია ტურიზმის დეპარტამენტის მიერ“, - განაცხადა აჭარის ტურიზმის დეპარტამენტის სერვისის განვითარების განყოფილების უფროსმა თამარ კაიკაციშვილმა.

მიმდინარე წლის პირველი ივნისისთვის აჭარაში უკვე იქნება პირველი ტურისტული ობიექტები, რომლებსაც ექნებათ ხარისხის ნიშანი „რეკომენდებულია ტურიზმის დეპარტამენტის მიერ“. ინფორმაცია რეკომენდებული ობიექტების შესახებ  დეპარტამენტის  ვებ-გვერდზე Recommend.ge განთავსდება, რომელიც დაეხმარება ვიზიტორებს თავად  შეარჩიონ სასურველი ხარისხის ტურისტული მომსახურება და ობიექტი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთში არეულობის დროს დაახლოებით 1800 ადამიანი დააკავეს, ხოლო სასწრაფო დახმარების 500-ზე მეტი თანამშრომელი დაშავდა

ალბანეთში პრემიერ-მინისტრის გადადგომის მოთხოვნით საპროტესტო აქციები გრძელდება, პოლიცია კი რეზინის ტყვიებს იყენებს

პაპუაშვილი - რასაც საფრანგეთში ვუყურებთ, გვახსენებს, რომ სხვის ქვეყანაში ქარის დამთესი, საკუთარში ქარიშხალს მოიმკის

პოლონეთმა სამხედრო თვითმფრინავები დასავლეთ უკრაინაზე რუსეთის თავდასხმების ფონზე აფრინდა