საკადრო ცვლილებებია ბაგა ბაღების მართვის სააგენტოში. გათავისუფლებულია შესყიდვების სამსახურის ხელმძღვანელი და კიდევ სამი თანამშრომელი. ისინი დეტალებზე არ საუბრობენ, თუმცა არ გამორიცხავენ, რომ სააგენტოს მიერ მიღებული გადაწყვეტილება უახლოეს პერიოდში გაასაჩივრონ.

სააგენტოში განხორციელებულ საკადრო ცვლილებებს საბავშვო ბაღების ყოფილი დირექტორები მათ გათავისუფლებას უკავშირებენ.

თბილისის 85-ე საბავშვო ბაღის ყოფილი გამგე ინგა გუგავა „რუსთავი 2“-თან საუბარში აცხადებს, რომ თემურ თორდინავამ გაათავისუფლა, ვინაიდან მათ ბაღების გათავისუფლებულ თანამშრომლებთან სათანადოდ ვერ იმუშავეს. იგი დასძენს, რომ სააგენტოს თანამშრომლებმა ეს ბაღების დირექტორებს პირად საუბარში უთხრეს.

„სააგენტოს გათავისუფლებულმა თანამშრომლებმა პრივატულ საუბარში გვითხრეს, რომ მათი გათავისუფლება თემურ თორდინავას მხრიდან მოხდა მხოლოდ და მხოლოდ იმიტომ, რომ მათ ჩვენთან - გათავისუფლებულ დირექტორებთან ვერ იმუშავეს სათანადოდ. რატომ არ დაინტერესდა თემურ თორდინავა მისი უწყების ანუ სააგენტოს მუშაობით?! მოხდა თუ არა ხელების შეწმენდა ამ ოთხ ადამიანზე“, - განაცხადა ბაღის ყოფილმა დირექტორმა.

სააგენტოს ხელმძღვანელს კომენტარი არ გაუკეთებია თუმცა, უწყებაში განმარტავენ, რომ გათავისუფლების მიზეზი მერიის აუდიტის სამსახურის დასკვნა გახდა, რომლითაც დარღვევები გამოვლინდა. რა აწერია დასკვნაში უცნობია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ის სენატორებმა მოითხოვეს Starlink-ის რუსეთის ტერიტორიაზე საჰაერო დარტყმებისთვის გამოყენების ნებართვა

საფრანგეთში ფასების ზრდის წინააღმდეგ საპროტესტო აქციები განახლდა - ორგანიზატორების თქმით, 800 000 ადამიანი მონაწილეობდა.

უკრაინული დრონები თავს დაესხნენ ომსკში, საზღვრიდან 2500 კილომეტრში მდებარე Ozon-ის საწყობს და ნავთობქიმიურ ქარხანას

ტრამპი: აშშ ირანზე დარტყმას 25 ოქტომბრიდან განიხილავს, თუმცა მნიშვნელოვანი შეთანხმების მიღწევა შესაძლებელია