აშშ-ის პრეზიდენტმა დონალდ ტრამპმა განაცხადა, რომ არ სურს უკრაინის ლიდერ ვოლოდიმირ ზელენსკისთან ურთიერთობა, რადგან მიაჩნია, რომ ის არ სურს რუსეთთან ომის დასრულების მიზნით მოლაპარაკებების წარმოება. „ზელენსკი არ არის ისეთი ადამიანი, ვისთანაც უნდა გვქონდეს ურთიერთობა. მას არ სურს მოლაპარაკებები. ის ამბობს, რომ სურს მოლაპარაკება, მაგრამ არ სურს. არა, მე ზელენსკის დიდი გულშემატკივარი არ ვარ“, - განაცხადა ტრამპმა Newsmax-თან ინტერვიუში.

მან თქვა, რომ ცოტა ხნის წინ წააწყდა ვიდეოს, რომელშიც უკრაინელი ახალგაზრდა ქალი ამბობდა, რომ ზელენსკიმ „გაანადგურა ჩვენი ქვეყანა“ და „წაიყვანა ჩვენი ხალხი“. „ჩვენს ხალხს არც ფეხები აქვს, არც ხელები. ჩვენი ხალხი, ბევრ შემთხვევაში, ფსიქიატრიულ დაწესებულებებშია ან მკვდარია“, - გაიხსენა ტრამპმა ქალის სიტყვები. თეთრი სახლის ხელმძღვანელმა ასევე აღნიშნა, რომ რუსეთს გაცილებით დიდი რესურსები აქვს გამოფიტვის ომში. „სიმართლე ის არის, რომ რუსეთი უზარმაზარი ქვეყანაა და რუსეთს შეუძლია მილიონი ადამიანი დაკარგოს და მათ კიდევ მრავალი მილიონი ჰყავს ზურგს უკან. უკრაინას ამდენი ხალხი არ ჰყავს“, - თქვა ამერიკის პრეზიდენტმა.

თეთრი სახლის ხელმძღვანელმა ასევე გამოთქვა უკმაყოფილება უკრაინის მიერ რუსეთის ნავთობგადამამუშავებელ ქარხნებზე განახლებული თავდასხმების გამო. მან განაცხადა, რომ ეს ნავთობის გლობალურ ფასებს ზრდის. „როდესაც თქვენ ურტყამთ ნავთობგადამამუშავებელ ქარხნებს, რომლებიც აწარმოებენ დიზელის საწვავს, რომელიც ჩვენ და მსოფლიოს გვჭირდება, თქვენ მსოფლიოს ცუდ სამსახურს უწევთ. ვფიქრობ, ეს უბრალოდ სირცხვილია“, - თქვა ტრამპმა. ინტერვიუს დროს მან ასევე აღიარა, რომ მისთვის ზელენსკისთან ურთიერთობა უფრო რთულია, ვიდრე ვლადიმერ პუტინთან.

ერთი კვირით ადრე ტრამპმა განაცხადა, რომ უკრაინას სჭირდება ახალი პრეზიდენტის პოვნა, რომელსაც შეუძლია რუსეთთან „გარიგების დადება“. „მას [ზელენსკის] შეეძლო ბევრი გარიგების დადება, მაგრამ რატომღაც არასდროს აკეთებს ამას. <…> ვფიქრობ, დროა უკრაინამ ახალი პრეზიდენტი აირჩიოს“, - თქვა თეთრი სახლის ხელმძღვანელმა.

ამის შემდეგ, უკრაინის ლიდერმა გამოაცხადა საპრეზიდენტო არჩევნების ჩატარების სურვილი, თუ რუსეთი დათანხმდება ორთვიან ცეცხლის შეწყვეტას. მან თქვა, რომ ეს პერიოდი აუცილებელია საარჩევნო კამპანიის უსაფრთხოების უზრუნველსაყოფად. კრემლი დათანხმდა, რომ უკრაინას მხოლოდ არჩევნების დღეს არ დაესხმებოდა თავს. რუსეთის პრეზიდენტის პრესმდივანმა დიმიტრი პესკოვმა აღნიშნა, რომ ზელენსკის 60-დღიანი ცეცხლის შეწყვეტა სჭირდება „ძალების მოსაკრებად, ჭრილობების მოსაშუშებლად და ომის გასაგრძელებლად“.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

საფრანგეთის ქალაქ ლიმოჟში, არეულობის დროს ხანძრის შედეგად, მე-19 საუკუნის მერიის კოშკი ჩამოინგრა

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა