სამშაბათს საღამოს, საუდის არაბეთის ქალაქ დაჰრანში, ნავთობკომპანია Saudi Aramco-ს შტაბ-ბინის მიმდებარე ტერიტორიაზე ძლიერი აფეთქებები მოხდა.

როიტერის წყაროების ცნობით, შესაძლოა, შენობა დაზიანდა და შიგნით ხანძარი გაჩნდა. კომპანიისგან ამ ინფორმაციის ოფიციალური დადასტურება არ არსებობს.

ექვსმა წყარომ „როიტერსს“ „არამკოს“ შტაბ-ბინასთან ახლოს ძლიერი აფეთქებების შესახებ აცნობა. ერთ-ერთმა წყარომ განაცხადა, რომ შენობას ცეცხლი გაუჩნდა. კიდევ ოთხმა წყარომ განაცხადა, რომ შიგნით მყოფ ადამიანებს ევაკუაციის ბრძანება მისცეს.

სიტუაციის უშუალოდ მცოდნე წყარომ „როიტერსს“ განუცხადა, რომ შტაბ-ბინას დარტყმა მიაყენეს. გაურკვეველია, საბრძოლო მასალა პირდაპირ შენობას მოხვდა თუ დაზიანება ნამსხვრევების ცვენამ გამოიწვია.

საუდის არაბეთის მეთაურობით კოალიციამ განაცხადა, რომ რაკეტები, რომელთა ნამსხვრევებიც საცხოვრებელ უბანში დაეცა, დაჰრანში ჩაჭრეს და გაანადგურეს. დამატებითი დეტალები არ გავრცელებულა.

როიტერის წყაროს ცნობით, ოთხშაბათს „არამკოს“ თანამშრომლებს სახლიდან მუშაობის ინსტრუქცია მიეცათ.

საუდის არაბეთის სამოქალაქო თავდაცვამ მოგვიანებით გაავრცელა გაფრთხილება დედაქალაქ ერ-რიადში პოტენციური საფრთხის შესახებ. შემდეგ ქალაქში ძლიერი აფეთქებაც გაისმა.

ხელისუფლებამ და Saudi Aramco-მ ჯერ არ დაადასტურეს კომპანიის შტაბ-ბინაზე შესაძლო დარტყმის გარემოებები.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

საფრანგეთის ქალაქ ლიმოჟში, არეულობის დროს ხანძრის შედეგად, მე-19 საუკუნის მერიის კოშკი ჩამოინგრა

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა