ბოლო რამდენიმე დღის განმავლობაში, უკრაინულმა დრონებმა სამჯერ შეუტიეს რუსული IT კომპანია Yandex-ის მონაცემთა ცენტრებს. ბოლო დარტყმა 11 ოქტომბრის ღამეს ვლადიმირის რეგიონში მდებარე შენობას მოხვდა.

თავდასხმებმა რუსეთში რამდენიმე პოპულარული ციფრული სერვისის, მათ შორის Yandex Go-ს, Yandex Pay-ს, Yandex Market-ის და Yandex Cloud-ის მუშაობა შეაფერხა. კომპანიამ განაცხადა, რომ ჯერ არ შეუძლია მომსახურების განახლების ვადების დასახელება.

„ჩვენ ვაგრძელებთ ინფრასტრუქტურის შეფასებას - მონაცემთა ცენტრებში აღჭურვილობის აღდგენის ვადების შეფასება ძალიან რთულია. სიტუაციის შესახებ ინფორმაციას ინფორმაციის მიღებისთანავე მოგაწვდით.“

რუსეთის გარდა, Yandex თავის მომსახურებას საქართველოს ბაზარზეც სთავაზობს, სადაც ის 2016 წლიდან ოპერირებს. კომპანია ქვეყანაში ძირითადად ტაქსის და მიტანის სერვისებით არის ცნობილი. ადგილობრივი მედიის ცნობით, ვლადიმირის რეგიონში მონაცემთა ცენტრზე დარტყმების შემდეგ, რუსული IT გიგანტის მომსახურება საქართველოშიც 24 საათის განმავლობაში შეფერხდა.

Yandex Go აპლიკაცია არასტაბილური იყო და ნავიგაცია პრობლემური. ქართველმა მძღოლებმა სოციალურ მედიაში სისტემური ხარვეზების შესახებაც განაცხადეს, რაც მათ მგზავრობის მიღებაში ხელს უშლიდა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ტრამპმა რუსეთის წინააღმდეგ სანქციების შეჩერების გადაწყვეტილება მთელი მსოფლიოსთვის სასარგებლოდ შეაფასა

რუბიო: უკრაინას ჯერ არ აქვს წვდომა Starshield-ის სამხედრო სისტემაზე

აშშ-ის ვიცე-პრეზიდენტმა საფრანგეთში მიმდინარე არეულობა დასავლეთის ქვეყნების საიმიგრაციო პოლიტიკას დაუკავშირა

Z-ბლოგერებმა უარყვეს რუსეთის გენერალური შტაბის მტკიცება, რომ მათ დონეცკის ოლქის ერთ-ერთი მნიშვნელოვანი ქალაქი დაიკავეს