"პუტინს არ სურს მშვიდობა. პუტინს სურს უკრაინა. ეჭვი არ მეპარება, რომ თუ პუტინი უკრაინას დაიპყრობს, მხოლოდ დროის საკითხი იქნება, სანამ რუსული არმია საზღვარს გადაკვეთს, სადაც ჩვენს ჯარებს მასთან ურთიერთობა მოუწევთ." - ამის შესახებ აშშ-ს ყოფილმა ვიცე პრეზიდენტმა მაიკ პენსმა განაცხადა.

მისი თქმით, სანქციების მოხსნა წარმოადგენს გარდაცვლილი სენატორის, ლინდსი გრემის მემკვიდრეობისა და ლიდერობის ღალატს

"პრეზიდენტ ტრამპის გადაწყვეტილება, მოხსნას სანქციები რუსეთის ენერგეტიკაზე პუტინის მიერ უკრაინაში მშვიდობიანი მოსახლეობის წინააღმდეგ განხორციელებული სასტიკი თავდასხმების ფონზე, აზრს მოკლებულია და წარმოადგენს გარდაცვლილი სენატორის, ლინდსი გრეჰემის მემკვიდრეობისა და ლიდერობის ღალატს.

მიუხედავად იმისა, რომ უკრაინა გადარჩენისთვის იბრძვის, პუტინის საომარი მანქანა აგრძელებს ტერორისტულ ომს მშვიდობიანი მოსახლეობის წინააღმდეგ და უდანაშაულო უკრაინელები ყოველდღიურად იღუპებიან.

ახლა, იმ მკაცრი სანქციების განხორციელების ნაცვლად, რომელთათვისაც ლინდსი გრეჰემი ბოლო ამოსუნთქვით იბრძოდა, პრეზიდენტმა ტრამპმა გამოაცხადა, რომ შეერთებული შტატები ხსნის სანქციებს რუსეთის ენერგეტიკაზე, რითაც პუტინის საომარ მანქანას კვებავს.

როგორც მე პირადად ვნახე გასულ კვირას უკრაინაში, პუტინი აგებს ამ ომს. უკრაინამ შეაჩერა რუსული არმია და ხელახლა წარმოიდგინა ომი, დრონების გამოყენებით ბრძოლა რუსეთის გულში გადაიტანა.

ამერიკამ არ უნდა გადააგდოს პუტინის საომარი მანქანა სამაშველო ძელზე. ახლა დროა, დავიცვათ თავი რუსული აგრესიისგან, როგორც ეს ტრამპის პირველი ვადის დროს გავაკეთეთ.

პუტინს არ სურს მშვიდობა. პუტინს სურს უკრაინა. ეჭვი არ მეპარება, რომ თუ პუტინი უკრაინას დაიპყრობს, მხოლოდ დროის საკითხი იქნება, სანამ რუსული არმია საზღვარს გადაკვეთს, სადაც ჩვენს ჯარებს მასთან ურთიერთობა მოუწევთ.

ამერიკა თავისუფალი სამყაროს ლიდერია. ჩვენი ეროვნული უსაფრთხოების, ევროპაში ჩვენი მოკავშირეების, მათ შორის უკრაინის, გულისთვის, პრეზიდენტმა ტრამპმა დაუყოვნებლივ უნდა გააუქმოს ეს შეთანხმება და დაუბრუნდეს თეთრ სახლში ჩვენი ოთხწლიანი მმართველობის მტკიცე პოლიტიკას: დააწესოს მკაცრი სანქციები ნებისმიერ ქვეყანაზე, რომელიც რუსულ ენერგიას ყიდულობს და ითანამშრომლოს ჩვენს მოკავშირეებთან, რათა უკრაინას მიაწოდოს სამხედრო მხარდაჭერა, რომელიც მას სჭირდება ამ რუსული შემოჭრის მოსაგერიებლად და საბოლოოდ დასამარცხებლად. დიდება უკრაინას." - აცხადებს მაიკლ პენსი.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

საფრანგეთის ქალაქ ლიმოჟში, არეულობის დროს ხანძრის შედეგად, მე-19 საუკუნის მერიის კოშკი ჩამოინგრა

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა