ევროკავშირის ოფიციალური ვებგვერდის ცნობით, ევროკავშირის საგარეო საქმეთა საბჭოს სხდომაზე, რომელიც 12 ოქტომბერს ლუქსემბურგში გაიმართება, სხვა თემებთან ერთად, საქართველოს საკითხიც განიხილება.

„მისი მიმდინარე დღის წესრიგის ფარგლებში, საბჭო საქართველოში არსებულ ვითარებას განიხილავს“, - ნათქვამია პრესრელიზში.

შეხვედრას საგარეო საქმეთა და უსაფრთხოების პოლიტიკის საკითხებში ევროკავშირის უმაღლესი წარმომადგენელი, კაია კალასი, უხელმძღვანელებს.

პრესრელიზში აღნიშნულია, რომ ევროკავშირის წევრი სახელმწიფოების საგარეო საქმეთა მინისტრები განიხილავენ რუსეთის აგრესიულ ომს უკრაინის წინააღმდეგ და ევროკავშირისა და მისი წევრი სახელმწიფოების წინააღმდეგ სულ უფრო მზარდ ჰიბრიდულ კამპანიას. დისკუსია მოიცავს ევროკავშირის რეაგირებას რუსეთის გაძლიერებულ ჰიბრიდულ აქტივობაზე, ასევე უკრაინის მხარდაჭერას და რუსეთზე ზეწოლას.

ძირითადი განხილვის დაწყებამდე, მინისტრები აზრებს გაცვლიან თავიანთ უკრაინელ კოლეგასთან, ანდრეი სიბიჰასთან.

საბჭო ასევე განიხილავს ახლო აღმოსავლეთში არსებულ ვითარებას ირანში ბოლო დროს განვითარებული მოვლენების კონტექსტში, განსაკუთრებული აქცენტით ნავიგაციის თავისუფლებაზე.

მინისტრები ასევე აზრებს გაცვლიან ღაზას სექტორსა და დასავლეთ სანაპიროზე არსებულ ვითარებაზე.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

ტრამპმა რუსეთის წინააღმდეგ სანქციების შეჩერების გადაწყვეტილება მთელი მსოფლიოსთვის სასარგებლოდ შეაფასა

რუბიო: უკრაინას ჯერ არ აქვს წვდომა Starshield-ის სამხედრო სისტემაზე

აშშ-ის ვიცე-პრეზიდენტმა საფრანგეთში მიმდინარე არეულობა დასავლეთის ქვეყნების საიმიგრაციო პოლიტიკას დაუკავშირა

Z-ბლოგერებმა უარყვეს რუსეთის გენერალური შტაბის მტკიცება, რომ მათ დონეცკის ოლქის ერთ-ერთი მნიშვნელოვანი ქალაქი დაიკავეს