სურსათის ეროვნულმა სააგენტომ ქუთაისში პესტიციდებისა და აგროქიმიკატების არალეგალური რეალიზაციის ფაქტი გამოავლინა. სააგენტოს იმერეთის დეპარტამენტის ინსპექტორებმა ჭავჭავაძის გამზირის №67-ში მდებარე სარეალიზაციო ობიექტი არაგეგმურად შეამოწმეს და დარღვევების გამო საქმიანობა შეუჩერეს.

სააგენტოს ინფორმაციით, ობიექტი პესტიციდებსა და აგროქიმიკატებს შესაბამისი რეგისტრაციისა და სააგენტოს მიერ გაცემული აღიარების გარეშე ყიდდა. ბიზნესოპერატორი კანონმდებლობის შესაბამისად დაჯარიმდა და შესაბამისი მოთხოვნების დაკმაყოფილების გარეშე აგროქიმიკატებით ვაჭრობა აეკრძალა.

სურსათის ეროვნული სააგენტოს განმარტებით, პესტიციდებისა და აგროქიმიკატების სარეალიზაციო სპეციალიზებული ობიექტის ფუნქციონირებისთვის სავალდებულოა სააგენტოს მიერ დადგენილი წესით აღიარება. აღნიშნული პროცედურა სანიტარიულ-ჰიგიენური და უსაფრთხოების მოთხოვნების დაკმაყოფილებას ითვალისწინებს.

სააგენტოში აცხადებენ, რომ ფერმერების ინტერესების დაცვისა და ბაზარზე ხარისხიანი პესტიციდების განთავსების მიზნით კონტროლს აქტიურად აგრძელებენ. ამასთან, უწყება ბიზნესოპერატორებს კანონმდებლობით გათვალისწინებული მოთხოვნების დაცვისკენ მოუწოდებს.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

საფრანგეთის ქალაქ ლიმოჟში, არეულობის დროს ხანძრის შედეგად, მე-19 საუკუნის მერიის კოშკი ჩამოინგრა

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა