ლატვიაში სეიმის არჩევნები გაიმართა, რომლის წინასწარი შედეგებითაც პრემიერ-მინისტრ ანდრის კულბერგსის „გაერთიანებული სია“ აშკარა ლიდერობას იმსახურებს.

ეს ლატვიის ცენტრალური საარჩევნო კომისიის მონაცემებით ხდება.

ხმების 95%-ის დათვლის შემდეგ, „გაერთიანებულმა სიამ“ ხმების 35.2%, ანუ პარლამენტში 42 ადგილი დააგროვა.

„ლატვიის პირველი პარტია“ ხმების 13.1%-ით (17 ადგილი) მეორე ადგილზე გავიდა. „სუვერენული ძალაუფლების/ახალგაზრდა ლატვიელების“ პარტია მესამე ადგილზე გავიდა 11.7%-ით (14 ადგილი).

საერთო ჯამში, ექვსმა პოლიტიკურმა პარტიამ 5%-იანი ბარიერი გადალახა.

წინასწარი შედეგები მიუთითებს, რომ მოქმედ პრემიერ-მინისტრ კულბერგსს, რომელიც რუსეთის მიმართ მკაცრ პოზიციას იკავებს და უკრაინის მტკიცე მხარდამჭერია, ხელისუფლებაში დარჩენის კარგი შანსი აქვს.

აღსანიშნავია, რომ 24 სექტემბერს, გერმანიის საჰაერო ძალების ოთხი „ევროფაითერი“ გამანადგურებელი დაეშვა ლატვიის ეროვნული შეიარაღებული ძალების ლიელვარდეს სამხედრო ბაზაზე, რათა დროებით გაეძლიერებინათ ქვეყნის საჰაერო სივრცის დაცვა.

გამანადგურებლები ლატვიაში სეიმას არჩევნების პერიოდში დაახლოებით ერთი კვირის განმავლობაში დარჩებიან. ლატვიაში ისინი ნატოს საჰაერო და სარაკეტო თავდაცვის აქტივობების მხარდაჭერის მისიებს განახორციელებენ.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

საფრანგეთის ქალაქ ლიმოჟში, არეულობის დროს ხანძრის შედეგად, მე-19 საუკუნის მერიის კოშკი ჩამოინგრა

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა