„The Guardian“-ის ცნობით, ევროპა დღეს მშვიდობაში არ არის და ჰიბრიდული თავდასხმების მზარდი რაოდენობის წინაშე დგას, რასაც ნატო რუსეთს მიაწერს.

„ევროპა დღეს მშვიდობაში არ არის“, - განაცხადა რუტემ მიუნსტერში, ვესტფალიის საერთაშორისო მშვიდობის პრემიის დაჯილდოების ცერემონიაზე.

მისი თქმით, უკრაინაში მიმდინარე ომის ფონზე, ევროპაში რუსული „მავნე ჰიბრიდული თავდასხმების“ სია მუდმივად ფართოვდება. მან ახსენა კიბერშეტევები, დივერსია, ცეცხლის წაკიდება, საჰაერო სივრცის დარღვევები და დრონების ინციდენტები.

რუტემ ასევე განაცხადა, რომ რუსეთი, სავარაუდოდ, ევროპული ქვეყნების დაშინებასა და გაყოფას იმედოვნებს. „პუტინს სურს ჩვენი დაშინება და გაყოფა, მაგრამ ის ვერ შეძლებს. და ჩვენი პასუხი მის მტრულ ქმედებებზე უკრაინის კიდევ უფრო დიდი მხარდაჭერა იქნება“, - თქვა ნატოს გენერალურმა მდივანმა.

მან აღნიშნა, რომ ევროპელ ლიდერებს „გრძელი გზა აქვთ წინ“, რადგან რუსული სამხედრო მანქანა, მისი თქმით, მალე არ დაკარგავს თავის შესაძლებლობებს. რუტემ ასევე მიუთითა ჩინეთის შეიარაღებული ძალების მიმდინარე მოდერნიზაციაზე.

ნატოს გენერალურმა მდივანმა მოუწოდა ევროპის ქვეყნებს, მზად იყვნენ შესაძლო მოვლენებისთვის. „მშვიდობა მყიფეა. ჩვენ დანამდვილებით არ ვიცით, რას მოიტანს ხვალინდელი დღე“, - თქვა მან და ხაზი გაუსვა, რომ ალიანსის ქვეყნები მზად არიან ერთმანეთი დაიცვან.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

საფრანგეთის ქალაქ ლიმოჟში, არეულობის დროს ხანძრის შედეგად, მე-19 საუკუნის მერიის კოშკი ჩამოინგრა

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა