სინაიში "ისლამური სახელმწიფოს" ტერაქტს 7 ადამიანი ემსხვერპლა, 15 დაშავდა

2016-04-08 13:05:30, 1319 ნახვა

მსოფლიო

ეგვიპტეში კერძოდ კი სინაის ნახევარკუნძულზე, აფეთქების შედეგად 7 ადამიანი გარდაიცვალა, 15 კი დაშავდა, - ამის შესახებ Reuters იტყობინება.

როგორც მედია საშუალება იუწყება, გარდაცვლილთა შორის არიან 5 ეგვიპტელი ჯარისკაცი, 1 სამხედრო ოფიცერი და ერთი მშვიდობიანი მოქალაქე. მედია საშუალების ინფორმაციით, ტერორისტებმა ჯავშანტრანსპორტიორი ააფეთქეს.

"ისლამურმა სახელმწიფომ" ტერაქტზე პასუხისმგებლობა უკვე აიღო.

წინასწარი ინფორმაციით, ასაფეთქებელი მოწყობილობები გზის გასწვრივ იყო დამონტაჟებული. ასაფეთქებელი მოწყობილობები მას შემდეგ ამოქმედდა რაც გზაზე ჯავშანტრანსპორტიორმა გაიარა.

ადგილობრივი მედია საშუალებები ეგვიპტელ სამხედროების წარმომადგენლებთან კონტაქტს ვერ ახერხებენ.

შეგახსენებთ, რომ "ისლამური სახელმწიფო" სირიის, ერაყის და ლიბიის საკმაოდ დიდ ტერიტორიას აკონტროლებენ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან