2026-09-20 10:30:51, 1925 ნახვა
მსოფლიო
მოსკოვის აეროპორტებში 30-ზე მეტი რეისი ვერ დაეშვა
TASS-ი დედაქალაქის აეროპორტების წარმომადგენლებზე დაყრდნობით იტყობინება, რომ მოსკოვის აეროპორტებში 30-ზე მეტი რეისი ვერ დაეშვა არსებული უსაფრთხოების შეზღუდვების გამო.
შერემეტიევის აეროპორტისკენ მიმავალი დაახლოებით 25 თვითმფრინავი ალტერნატიულ აეროდრომებზე გადამისამართდა. აეროპორტის საინფორმაციო სამსახურის ცნობით, რეისები ნიჟნი ნოვგოროდში, ყაზანში, ჩებოქსარში, სანქტ-პეტერბურგში, სამარასა და ნიჟნეკამსკში გადამისამართდა.
ვნუკოვოში კიდევ დაახლოებით 10 რეისი ვერ დაეშვა. მათ შორის იყო რეისები ჰურგადადან, ნოვოსიბირსკიდან, ფერგანადან, ჩელიაბინსკიდან, სტამბოლიდან, დალამანიდან, დუბაიდან, ტაშკენტიდან და ეკატერინბურგიდან. ეს თვითმფრინავებიც ალტერნატიულ აეროდრომებზე გადამისამართდა.
ავტორი: მარიამ იმერლიშვილი, ექსპრესნიუსის რეპორტიორი 2020 წლიდან
epn.ge (@expressnews.ge)
