კიევის ოლქის ფასტივის რაიონში რუსული თავდასხმის შედეგად დედა და ორი მცირეწლოვანი ბავშვი დაიღუპა, ხოლო ვიშგოროდის რაიონში დედა-შვილი დაშავდა.

ინფორმაციას ავრცელებს,  კიევის რეგიონული სახელმწიფო ადმინისტრაციის ხელმძღვანელი, ტიმურ ტკაჩენკო.

 „ფასტივის რაიონში საშინელი ტრაგედია მოხდა. მტრის თავდასხმის შედეგად დედა და ორი მცირეწლოვანი ბავშვი, გოგონა და ბიჭი დაიღუპნენ.“

 ფასტივის რაიონში თავდასხმის შედეგად ასევე დაზიანდა კერძო სახლები და მანქანა. ერთ-ერთ სახლში ხანძარი გაჩნდა, თუმცა ის ჩამქრალია.

სამსახურები ადგილზე მუშაობას აგრძელებენ და თავდასხმის შემდგომ მოვლენებს ადასტურებენ.

ადრე ტკაჩენკომ განაცხადა, რომ შაბათს საღამოს კიევის ოლქის ვიშგოროდის რაიონში მტრის თავდასხმის შედეგად დედა-შვილი დაშავდა, ხოლო საგანმანათლებლო დაწესებულება და ავტობუსი დაზიანდა.

მოგვიანებით, პოლიციამ განაცხადა, რომ ფასტივის რაიონის სოფელ გლევახაში სახლში ხანძარი გაჩნდა, სავარაუდოდ, მტრის უპილოტო საფრენი აპარატის დარტყმის შედეგად.

თავდასხმის შედეგად სამი ადამიანი დაიღუპა: 39 წლის ქალი და მისი 2 წლის ვაჟი, ასევე 3 წლის გოგონა. ასევე დაშავდა ერთი ქალი.

ვიშგოროდის რაიონში ორი ადამიანი, დედა-შვილი, დაშავდა.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

საფრანგეთის ქალაქ ლიმოჟში, არეულობის დროს ხანძრის შედეგად, მე-19 საუკუნის მერიის კოშკი ჩამოინგრა

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა