რუსეთი არასდროს განსაზღვრავს საფრანგეთის ქმედებებს და ვერც პარიზის დაშინებას თავისი პროვოკაციებით. ამის შესახებ განაცხადა მემარჯვენე ფრთის „ეროვნული გაერთიანების“ საფრანგეთის პრეზიდენტობის კანდიდატმა მარინ ლე პენმა.

მან გააკრიტიკა კრემლი მას შემდეგ, რაც პუტინმა რუსეთში მოქმედი ევროპული კომპანიების, კერძოდ, „ნესტლესა“ და „ოშანის“ აქტივების ჩამორთმევის ბრძანება გასცა. ლე პენმა დაგმო მოსკოვის ქმედებები და განაცხადა, რომ რუსეთმა არ უნდა „იმედოვნოს, რომ მას შეუძლია პირდაპირ ან ირიბად განსაზღვროს საფრანგეთის პოლიტიკა დაშინების, მუქარის, დესტაბილიზაციის ან ფსიქოლოგიური ზეწოლის გზით“.

გარდა ამისა, მან პუტინის ახალ გადაწყვეტილებას „მტრული აქტი“ უწოდა, რომელიც პირდაპირ ძირს უთხრის ფრანგული კომპანიების ინტერესებსა და უფლებებს“. ლე პენის განცხადება ასევე გაკეთდა მას შემდეგ, რაც საფრანგეთის პრეზიდენტმა მაკრონმა მთავრობას დაავალა, მოემზადებინა გეგმა კრიტიკული ინფრასტრუქტურის რუსული ჰიბრიდული თავდასხმებისგან დასაცავად. ლე პენმა განაცხადა, რომ ის მხარს უჭერს ამ ნაბიჯს არსებული სიტუაციის გათვალისწინებით.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

საფრანგეთის ქალაქ ლიმოჟში, არეულობის დროს ხანძრის შედეგად, მე-19 საუკუნის მერიის კოშკი ჩამოინგრა

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა