Forbes-ის მონაცემებით, აშშ-ის პრეზიდენტის, დონალდ ტრამპის ქონება 2024 წლის საპრეზიდენტო არჩევნებში გამარჯვების შემდეგ 2.7 მილიარდი დოლარით გაიზარდა და 7.3 მილიარდ დოლარს მიაღწია. „აშშ-ის ისტორიაში არავის მიუღია ამდენი ფული პოლიტიკიდან“, - აღნიშნავს გამოცემა.

თეთრი სახლის ხელმძღვანელის სიმდიდრის ზრდის მთავარი წყარო კრიპტოვალუტის პროექტები და ლიკვიდური აქტივებია, რომელთა ჯამური ღირებულება დაახლოებით 2.4 მილიარდ დოლარს შეადგენს. კერძოდ, ტრამპს მემ-ტოკენებში 709 მილიონი დოლარის და World Liberty Financial-ის ტოკენებში 338 მილიონი დოლარის ოდენობის ოდენობის ტოკენები აქვს, ხოლო მისი სტაბილური კრიპტოვალუტების ბიზნესი 233 მილიონ დოლარად არის შეფასებული.

ამერიკის პრეზიდენტს ასევე ეკუთვნის ათი გოლფის მოედანი აშშ-ში, Mar-a-Lago Club, Trump National Doral Miami-ის გოლფის კურორტი და სამი უძრავი ქონება ევროპაში. Forbes-ის მონაცემებით, მათი ჯამური ღირებულება 1.8 მილიარდ დოლარს აღწევს. ტრამპმა ასევე 1.1 მილიარდი დოლარის ინვესტიცია განახორციელა უძრავ ქონებაში. მის უდიდეს აქტივებს შორისაა წილები ნიუ-იორკსა და სან-ფრანცისკოში ორ საოფისე კომპლექსში, Trump Tower-ის ცათამბჯენი, Trump Park Avenue-ზე მდებარე საცხოვრებელი შენობა და სხვა. კიდევ 1 მილიარდი დოლარი ტრამპის წილია Trump Media and Technology Group-ში, რომელიც ფლობს სოციალურ ქსელ Truth Social-ს. Forbes-ის მონაცემებით, ფინანსური თვალსაზრისით, ეს არის „ამერიკაში ერთ-ერთი ყველაზე აბსურდული ბიზნესი“: 2024 წელს კომპანიამ 3.7 მილიონი დოლარის შემოსავალი და 712 მილიონი დოლარის ზარალი მიიღო.

თეთრი სახლის ხელმძღვანელის სხვა აქტივები 700 მილიონ დოლარად არის შეფასებული. მათ შორისაა მისი მენეჯმენტის ბიზნესი, ვერტმფრენი და თვითმფრინავი, შვილებისთვის 5 მილიონი დოლარის სესხი და 2 მილიონი დოლარის საპენსიო დანაზოგი. თუმცა, Forbes-ის მონაცემებით, ტრამპის წმინდა ქონება ბოლო ერთი წლის განმავლობაში 300 მილიონი დოლარით შემცირდა. კერძოდ, პრეზიდენტმა სასამართლო დავაში 94 მილიონი დოლარი უნდა გადაიხადოს.

ადრე, Reuters-მა აღნიშნა, რომ ტრამპმა TRUMP-ის მემ-მონეტების გაყიდვიდან 635 მილიონი დოლარის შემოსავალი გამოაცხადა. სააგენტომ შეაფასა, რომ ხელისუფლებაში დაბრუნების შემდეგ, მისმა ოჯახმა კრიპტოვალუტის პროექტებისთვის ინვესტორებისგან მინიმუმ 2.3 მილიარდი დოლარი მიიღო. „როიტერის“ მიერ გამოკითხულ ეთიკის ექსპერტებმა განაცხადეს, რომ ტრამპის ოჯახის შემოსავალი კრიპტო ინდუსტრიიდან, რომელსაც მისი ადმინისტრაცია როგორც არეგულირებს, ასევე მხარს უჭერს, უპრეცედენტო ინტერესთა კონფლიქტს ქმნის.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

საფრანგეთში არეულობის დროს დაახლოებით 1800 ადამიანი დააკავეს, ხოლო სასწრაფო დახმარების 500-ზე მეტი თანამშრომელი დაშავდა

ალბანეთში პრემიერ-მინისტრის გადადგომის მოთხოვნით საპროტესტო აქციები გრძელდება, პოლიცია კი რეზინის ტყვიებს იყენებს

პაპუაშვილი - რასაც საფრანგეთში ვუყურებთ, გვახსენებს, რომ სხვის ქვეყანაში ქარის დამთესი, საკუთარში ქარიშხალს მოიმკის

პოლონეთმა სამხედრო თვითმფრინავები დასავლეთ უკრაინაზე რუსეთის თავდასხმების ფონზე აფრინდა