პარლამენტის იურიდიულ საკითხთა კომიტეტი დღეს, 14 სექტემბერს, ფრაქცია „საქართველოსთვის“ საკანონმდებლო ინიციატივას განიხილავს, რომელიც შეკრება-მანიფესტაციებთან დაკავშირებით 2024 წლამდე მოქმედი წესების აღდგენას ითვალისწინებს.

ფრაქციის შეფასებით, დღეს მოქმედი ნორმები არაპროპორციულად ზღუდავს მშვიდობიანი შეკრების კონსტიტუციურ უფლებას და სამართალდამცავ უწყებებს ზედმეტად ფართო უფლებამოსილებას ანიჭებს.

კანონპროექტის მიხედვით, შეკრებებთან დაკავშირებული ადმინისტრაციული ფუნქციები შსს-დან კვლავ მერიას გადაეცემა. ტროტუარზე შეკრებისას წინასწარი გაფრთხილება საჭირო აღარ იქნება, თუ აქცია ტრანსპორტის მოძრაობას არ აფერხებს.

ასევე უქმდება შსს-ს უფლება, სავალდებულოდ განსაზღვროს აქციის ალტერნატიული ადგილი, დრო ან მსვლელობის მარშრუტი - უწყებას მხოლოდ რეკომენდაციის გაცემა შეეძლება.

ინიციატივა აუქმებს შეკრებაზე სამოქალაქო ბრუნვაში არსებული ნივთების ფლობის ზოგად აკრძალვასაც. პროექტის ავტორების განმარტებით, პასუხისმგებლობა უნდა დადგეს კონკრეტული უკანონო ქმედებისთვის და არა თავად ნივთის ქონისთვის.

ამასთან, აქციის მონაწილეებს პროტესტის ფორმის თავად განსაზღვრა შეეძლებათ, კრიტიკული დაწესებულებების გარშემო 20-მეტრიანი ზონის დაცვის პირობით.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

თურქ მომღერალ ილიას იალჩინტაშს ნარკოტიკებთან დაკავშირებულ საქმეში მინიმუმ 10 წლით თავისუფლების აღკვეთა ემუქრება

ზელენსკიმ აშშ-სა და რუსეთს შორის შესაძლო დაახლოებას „ისტორიული შეცდომა“ უწოდა

საფრანგეთში არეულობის დროს დაახლოებით 1800 ადამიანი დააკავეს, ხოლო სასწრაფო დახმარების 500-ზე მეტი თანამშრომელი დაშავდა

ალბანეთში პრემიერ-მინისტრის გადადგომის მოთხოვნით საპროტესტო აქციები გრძელდება, პოლიცია კი რეზინის ტყვიებს იყენებს