რუსთველის გამზირის რეაბილიტაცია აქტიურ ფაზაშია — არსებული ინფორმაციით, არ არსებობს საფუძველი ვიფიქროთ, რომ სამუშაოები შეფერხდება. ამის შესახებ განაცხადა თბილისის მერმა კახა კალაძემ, რომელმაც პარლამენტის თავმჯდომარე შალვა პაპუაშვილთან და კულტურის მინისტრის მოვალეობის შემსრულებელ მიხეილ კიკნაძესთან ერთად დაათვალიერა რუსთველის გამზირზე სარემონტო და არქეოლოგიური სამუშაოების მიმდინარეობა.

„სამუშაოების დროს ადგილზე აღმოაჩინეს არქეოლოგიური არტეფაქტები. ბუნებრივია, ჩვენ დაუყოვნებლივ შევაჩერეთ სარეაბილიტაციო სამუშაოები ამ კონკრეტულ მონაკვეთზე და არქეოლოგიურმა ჯგუფმა დაიწყო მუშაობა. ეს არის აღმოჩენები, რომლებიც მე-10 და მე-11 საუკუნეებით თარიღდება, რაც უაღრესად მნიშვნელოვანია ჩვენი ქალაქისთვის. დაველოდებით შესაბამისი სამუშაოების დასრულებას.

რაც შეეხება გამზირის სხვა მონაკვეთებს, პირველი ნაბიჯი მიწისქვეშა კომუნიკაციების განახლებაა, რათა უზრუნველყოფილი იყოს ამ ინფრასტრუქტურის ათწლეულების განმავლობაში გაძლება. სამუშაოები ნოემბრის ბოლოს დასრულდება. ამ ეტაპზე პრობლემები არ არის“.

კალაძის თქმით, არქეოლოგიურმა აღმოჩენამ მხოლოდ ერთ მონაკვეთზე შეაჩერა რემონტი, „თუმცა, არქეოლოგები ძალიან სწრაფად მუშაობენ“.

„ამ ეტაპზე, ჩვენ არ გვაქვს მიზეზი, რომ განვიხილოთ სამუშაოების გახანგრძლივება. თუ ასეთი საჭიროება გაჩნდება, ამას განვიხილავთ. ბიზნეს სექტორთან დაკავშირებით, ჩვენ არ მიგვიღია არანაირი მოთხოვნა. გამზირზე ფეხით მოსიარულეთა მოძრაობა შეზღუდული არ არის, მაგრამ თუ ბიზნესის წარმომადგენლები შეხვედრას მოისურვებენ, ჩვენ მზად ვართ. ჩვენი კარები ყველასთვის ღიაა“, - განაცხადა კალაძემ.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

რუსეთში სკოლის მოსწავლეები ორი დღის განმავლობაში დანით თავს სამჯერ დაესხნენ მოსწავლეებსა და მასწავლებლებს

ზელენსკის მუქარის შემდეგ, თურქეთის უმსხვილესმა კერძო ავიაკომპანიამ თვითმფრინავები უკან გააბრუნა და მოსკოვში რეისები გააუქმა

ალექსანდრე თამაზაშვილი - მეკითხებიან, მჯერა თუ არა, რომ ივანიშვილის გარეშე დაიწყებდნენ ირაკლის განადგურების პროცესს? მასთან შეთანხმების გარეშე მსგავსი პროცესები არ განვითარდებოდა

კახა კალაძე: არ არსებობს არანაირი მიზეზი, რომ გადავადდეს სამუშაოების ვადა