2026-09-02 02:52:28, 1251 ნახვა
მსოფლიო
პუტინმა ზელენსკის განცხადებას რუსეთის საჰაერო სივრცის „ფაქტობრივი დახურვის“ შესახებ „სახელმწიფო ტერორიზმის გამოყენება“ უწოდა
პუტინმა ზელენსკის განცხადებას რუსეთის საჰაერო სივრცის „ფაქტობრივი დახურვის“ შესახებ „სახელმწიფო ტერორიზმის გამოყენება“ უწოდა.
მან ეს განცხადება შანხაის თანამშრომლობის ორგანიზაციის (SCO) სამიტის დროს გამართულ პრესკონფერენციაზე გააკეთა.
„მე ასეთი განცხადებები არ მომისმენია, მაგრამ თუ ისინი ხმამაღლა გაკეთდა, ეს უბრალოდ სახელმწიფო ტერორიზმის გამოყენებაა. და მინდა აღვნიშნო, რომ ისინი გვთხოვენ მოლაპარაკებების განახლებას, პირად შეხვედრებს. ჩვენ ტერორისტებთან მოლაპარაკებებს არ ვაწარმოებთ. <…> თუ, ღმერთმა ნუ ქნას, ასეთი ტრაგედიები მოხდება, ჩვენ ვიპოვით რეაგირების გზას. არავის ეჭვი არ შეეპაროს ამაში“, - აღნიშნა ვლადიმერ პუტინმა.
ავტორი: მარიამ იმერლიშვილი, ექსპრესნიუსის რეპორტიორი 2020 წლიდან
epn.ge (@expressnews.ge)
