გურიის მოამბის ცნობით, გუშინ ღამით, ოზურგეთი-შემოქმედის გზაზე, სოფელ წითელმთასთან ახლოს, მძიმე ავარია მოხდა.

ავარიის შედეგად, თბილისელი 16 წლის გოგონა გარდაიცვალა, ხოლო კიდევ სამი ახალგაზრდა დაშავდა.

მედალფას კლინიკის ცნობით, გარდაცვლილი სიცოცხლისთვის საშიში დაზიანებებით საავადმყოფოში გადაიყვანეს: თავის ქალისა და მენჯის ფუძის მოტეხილობები, ღვიძლის დაზიანება და სხვა დაზიანებები. მისი გადარჩენა ვერ მოხერხდა.

სამი დაშავებული მოტეხილობებითა და დაზიანებებით მედალფაში რჩება. ექიმების თქმით, მათ სიცოცხლეს საფრთხე არ ემუქრება.

თვითმხილველების თქმით, ავტომობილი ჯერ ბორდიურს შეეჯახა, შემდეგ კი ადგილობრივი მაცხოვრებლის ეზოში შევარდა.

გარდაცვლილი სოფელ გომში სტუმრობდა. დაშავებულთაგან ერთი წითელმთას მკვიდრი იყო, დანარჩენი ორი კი გომიდან.

ავარიის ფაქტზე გამოძიება საქართველოს სისხლის სამართლის კოდექსის 276-ე მუხლით მიმდინარეობს, რაც საგზაო მოძრაობის უსაფრთხოების ან სატრანსპორტო საშუალების მართვის წესების დარღვევას გულისხმობს.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

საფრანგეთში არეულობის დროს დაახლოებით 1800 ადამიანი დააკავეს, ხოლო სასწრაფო დახმარების 500-ზე მეტი თანამშრომელი დაშავდა

ალბანეთში პრემიერ-მინისტრის გადადგომის მოთხოვნით საპროტესტო აქციები გრძელდება, პოლიცია კი რეზინის ტყვიებს იყენებს

პაპუაშვილი - რასაც საფრანგეთში ვუყურებთ, გვახსენებს, რომ სხვის ქვეყანაში ქარის დამთესი, საკუთარში ქარიშხალს მოიმკის

პოლონეთმა სამხედრო თვითმფრინავები დასავლეთ უკრაინაზე რუსეთის თავდასხმების ფონზე აფრინდა