„ასოშიეითედ პრესის“ ცნობით, ტრამპის ადმინისტრაცია ემზადება, გააუქმოს 200 000-მდე უცხო ქვეყნის მოქალაქის ბიზნეს და ტურისტული ვიზები, რომლებმაც შეერთებულ შტატებში თავშესაფარი მოითხოვეს ან ამჟამად ითხოვენ მას. თუ ეს მოხდება, ეს იქნება აშშ-ის ისტორიაში ყველაზე მასშტაბური მასობრივი ვიზის გაუქმება.

სახელმწიფო დეპარტამენტის დოკუმენტებისა და აშშ-ის ორი ჩინოვნიკის თანახმად, სახელმწიფო დეპარტამენტი, სავარაუდოდ, უახლოეს კვირებში გამოაცხადებს 2016-დან 2026 წლამდე გაცემული ე.წ. B1 და B2 ვიზების გაუქმების შესახებ, რომელთა მფლობელებმაც განაცხადეს ან ამჟამად ითხოვენ თავშესაფარს.

„ჩვენ კოორდინაციას ვუწევთ სამშობლოს უსაფრთხოების დეპარტამენტთან იმ უცხოელი მოქალაქეების არაიმიგრანტული ვიზების იდენტიფიცირებისა და გაუქმების მიზნით, რომლებიც შეერთებულ შტატებში მოკლევადიანი ყოფნის მოთხოვნით ჩავიდნენ და შემდეგ მუდმივი ბინადრობის უფლებით თავშესაფარი მოითხოვეს“, - განაცხადა სახელმწიფო დეპარტამენტის წარმომადგენელმა ტომი პიგოტმა.

ჩინოვნიკების თქმით, მათი სტატუსის გაუქმება აუცილებლად არ გამოიწვევს მათ დაუყოვნებლივ დეპორტაციას. ოფიციალური პირების თქმით, თავშესაფრის მოთხოვნის პროცესში მყოფი ადამიანების უმეტესობა გადაკვალიფიცირდება, მაგრამ დაკარგავს ბიზნეს ან ტურისტული მოგზაურების სტატუსს.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

მარინ ლეპენი დემოკრატიის საფრთხის შესახებ აფრთხილებს და მაკრონის მთავრობას აკრიტიკებს

ფასების ზრდის წინააღმდეგ საპროტესტო აქციები: მილანში 50 ადამიანი დააკავეს, შეტაკებები ტურინსა და ბოლონიაშიც

თურქ მომღერალ ილიას იალჩინტაშს ნარკოტიკებთან დაკავშირებულ საქმეში მინიმუმ 10 წლით თავისუფლების აღკვეთა ემუქრება

ზელენსკიმ აშშ-სა და რუსეთს შორის შესაძლო დაახლოებას „ისტორიული შეცდომა“ უწოდა