რუსეთი მოუწოდებს საქართველოს ხელისუფლებას, უპასუხოს რუსეთის მოქალაქეებზე თავდასხმებს და მიიღოს ზომები მათი უსაფრთხოების უზრუნველსაყოფად. ეს განცხადება რუსეთის საგარეო საქმეთა სამინისტროს პრესსპიკერმა მარია ზახაროვამ გააკეთა, იტყობინება „რია ნოვოსტი“.

„ბოლო დროს საქართველოში რუსეთის მოქალაქეებთან დაკავშირებული რამდენიმე სერიოზული ინციდენტი მოხდა, რაც, რა თქმა უნდა, მოითხოვს დიდ ყურადღებას და შესაბამის ქმედებებს საქართველოს ხელისუფლების მხრიდან“.

ზახაროვამ იმედი გამოთქვა, რომ საქართველოს ხელისუფლება მიიღებს ყველა საჭირო ზომას რუსოფობიის გამოვლინების თავიდან ასაცილებლად და ქვეყანაში ჩამოსული რუსების სრულად დასაცავად.

მისი თქმით, 2023 წლიდან რუსეთიდან საქართველოში ტურისტების ნაკადი 50%-ით გაიზარდა, დაახლოებით 1,6 მილიონ ადამიანამდე და ახლა ყოველი მეოთხე სტუმარი რუსეთის მოქალაქეა.

ბრიფინგის დროს მარია ზახაროვამ ასევე განაცხადა, რომ მოსკოვსა და თბილისს შორის დიპლომატიური ურთიერთობების აღდგენის ინიციატივა ქართული მხრიდან უნდა მოდიოდეს.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

მარინ ლეპენი დემოკრატიის საფრთხის შესახებ აფრთხილებს და მაკრონის მთავრობას აკრიტიკებს

ფასების ზრდის წინააღმდეგ საპროტესტო აქციები: მილანში 50 ადამიანი დააკავეს, შეტაკებები ტურინსა და ბოლონიაშიც

თურქ მომღერალ ილიას იალჩინტაშს ნარკოტიკებთან დაკავშირებულ საქმეში მინიმუმ 10 წლით თავისუფლების აღკვეთა ემუქრება

ზელენსკიმ აშშ-სა და რუსეთს შორის შესაძლო დაახლოებას „ისტორიული შეცდომა“ უწოდა