რუსეთი ღიაა საქართველოსთან დიპლომატიური ურთიერთობების აღდგენის შესაძლებლობისთვის, თუმცა ეს საკითხი ამჟამად დღის წესრიგში არ დგას. ამის შესახებ რუსეთის საგარეო საქმეთა სამინისტროს პრესსპიკერმა მარია ზახაროვამ განაცხადა, იტყობინება „ინტერფაქსი“.

„საქართველომ უნდა დაიწყოს დიპლომატიური ურთიერთობების აღდგენა. ჩვენ არაერთხელ განვაცხადეთ, რომ ღია ვართ ამ შესაძლებლობისთვის, თუმცა ეს საკითხი ამჟამად დღის წესრიგში არ დგას“.

ზახაროვამ გაიხსენა, რომ „რუსეთსა და საქართველოს შორის დიპლომატიური ურთიერთობების არარსებობა ყოფილი პრეზიდენტის, მიხეილ სააკაშვილის ტრაგიკული მემკვიდრეობის ნაწილია“.

„რაც შეეხება თბილისს, რომელიც აფხაზეთთან და სამხრეთ ოსეთთან ძალის გამოუყენებლობის შესახებ შეთანხმებებს დადებს, ჩვენ დიდი ხანია მოვუწოდებთ საქართველოს ამისკენ და ველით, რომ ქართული მხარე აღიარებს ამიერკავკასიაში არსებულ ახალ გეოპოლიტიკურ რეალობებს და უახლოეს მომავალში დაიწყებს ამ დოკუმენტების შემუშავებასა და ხელმოწერაზე პრაქტიკულ მუშაობას. ასეთი სამართლებრივი ვალდებულებები საიმედო გარანტიას წარმოადგენს 2008 წლის აგვისტოს ტრაგიკული მოვლენების განმეორებისგან“, - დასძინა ზახაროვამ.

შეგახსენებთ, რომ საქართველომ რუსეთთან დიპლომატიური ურთიერთობები 2008 წლის 3 სექტემბერს, აგვისტოს ომისა და მოსკოვის მიერ აფხაზეთისა და სამხრეთ ოსეთის დამოუკიდებლობის აღიარების შემდეგ გაწყვიტა.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

კინოპროდიუსერი და კინოთეატრების ქსელ კავეას ხელმძღვანელი ოთარ ბუბაშვილი გარდაიცვალა

მარინ ლეპენი დემოკრატიის საფრთხის შესახებ აფრთხილებს და მაკრონის მთავრობას აკრიტიკებს

ფასების ზრდის წინააღმდეგ საპროტესტო აქციები: მილანში 50 ადამიანი დააკავეს, შეტაკებები ტურინსა და ბოლონიაშიც

თურქ მომღერალ ილიას იალჩინტაშს ნარკოტიკებთან დაკავშირებულ საქმეში მინიმუმ 10 წლით თავისუფლების აღკვეთა ემუქრება