20 აგვისტოს დილის საათებში რუსეთმა ბალისტიკური რაკეტებით კიევზე მასშტაბური იერიში მიიტანა, რის შედეგადაც, სულ მცირე, 12 ადამიანი დაიღუპა, 32-ზე მეტი კი დაშავდა. მსხვერპლის შესახებ ინფორმაცია ადგილობრივმა ხელისუფლებამ გაავრცელა. 

დედაქალაქის მერმა, ვიტალი კლიჩკომ განაცხადა, რომ რუსეთის დარტყმის შედეგად ხანძარი გაუჩნდა და განადგურდა ცხრა-სართულიანი საცხოვრებელი კორპუსის ზედა სართულებს, რის შედეგადაც შვიდი ადამიანი დაიღუპა. 

"მასობრივი თავდასხმა იყო. რუსები დიდხანს ემზადებოდნენ, მათ სხვადასხვა ტიპის ბალისტიკური რაკეტები, ფრთოსანი რაკეტები და დრონები გააერთიანეს და მიზანი სამოქალაქო ინფრასტრუქტურისთვის რაც შეიძლება მეტი ზიანის მიყენება იყო." – დაწერა უკრაინის პრეზიდენტმა ვოლოდიმირ ზელენსკიმ სოციალურ მედიაში.

უკრაინის პროკურატურის წინასწარი მონაცემების მიხედვით, სარაკეტო იერიშის დროს კიევის სოლომენსკის ოლქში, სულ მცირე, 16 საცხოვრებელი შენობა დაზიანდა. თავდასხმამ ასევე დააზიანა სკოლა, საბავშვო ბაღი და ბავშვთა საავადმყოფოც, რომლის ავტოსადგომზეც ხანძარი გაჩნდა. 

მოგვიანებით კიევის მერმა 21 აგვისტო გლოვის დღედ გამოაცხადა დედაქალაქზე რუსეთის მასშტაბური თავდასხმის დროს დაღუპულთა ხსოვნის პატივსაცემად.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

კინოპროდიუსერი და კინოთეატრების ქსელ კავეას ხელმძღვანელი ოთარ ბუბაშვილი გარდაიცვალა

მარინ ლეპენი დემოკრატიის საფრთხის შესახებ აფრთხილებს და მაკრონის მთავრობას აკრიტიკებს

ფასების ზრდის წინააღმდეგ საპროტესტო აქციები: მილანში 50 ადამიანი დააკავეს, შეტაკებები ტურინსა და ბოლონიაშიც

თურქ მომღერალ ილიას იალჩინტაშს ნარკოტიკებთან დაკავშირებულ საქმეში მინიმუმ 10 წლით თავისუფლების აღკვეთა ემუქრება