Tasnim-ის ცნობით, ირანის პარლამენტმა 183 ხმით უმრავლესობით დაამტკიცა კანონპროექტი, რომელიც ქვეყანაში უცხოური სადაზვერვო სამსახურების, სახელმწიფოებისა და ორგანიზაციების შეღწევას ეწინააღმდეგება.

პარლამენტის პრეზიდიუმის პრესმდივნის, აბას გუდარზის თქმით, დოკუმენტი დღევანდელ სხდომაზე განიხილეს შესაბამისი კომიტეტის ანგარიშის წარდგენისა და კანონპროექტის როგორც მხარდამჭერების, ასევე მოწინააღმდეგეების გამოსვლების შემდეგ.

ეროვნული უსაფრთხოებისა და საგარეო პოლიტიკის კომიტეტის წარმომადგენელმა, ჰასან ქაშკავიმ, განაცხადა, რომ ირანს უკვე აქვს კანონმდებლობა ჯაშუშობის შესახებ, მაგრამ „უცხოური გავლენის“ საკითხთან დაკავშირებით კვლავ რჩება სამართლებრივი ხარვეზი.

მისი თქმით, ახალი კანონპროექტის მიზანია უცხოური ჩარევის იდენტიფიცირების, პრევენციისა და აღკვეთის მკაფიო სამართლებრივი მექანიზმების შექმნა. დოკუმენტი შემუშავდა ყველა შესაბამისი სამთავრობო უწყების მონაწილეობით და მისი დეტალური განხილვა 12-დღიან ომამდეც კი დაიწყო.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

საფრანგეთის ქალაქ ლიმოჟში, არეულობის დროს ხანძრის შედეგად, მე-19 საუკუნის მერიის კოშკი ჩამოინგრა

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა