2026-08-12 20:29:19, 1319 ნახვა
მსოფლიო
ტრამპმა ჰორმუზის სრუტეზე აშშ-ის სრული კონტროლი გამოაცხადა: „ვფიქრობ, ჩვენ მას შევინარჩუნებთ“
აშშ-ის პრეზიდენტმა დონალდ ტრამპმა განაცხადა, რომ შეერთებულმა შტატებმა სრული კონტროლი დაამყარა ჰორმუზის სრუტეზე და აპირებს მის შენარჩუნებას.
„შეერთებულ შტატებს სრული კონტროლი აქვს ჰორმუზის სრუტეზე. მე მჯერა, რომ ჩვენ შევინარჩუნებთ ამ კონტროლს! ჩვენს საზღვაო ბლოკადას „ფოლადის კედელი“ შეარქვეს და ირანს ამის შესახებ არაფრის გაკეთება არ შეუძლია“, - დაწერა ტრამპმა სოციალურ მედია პლატფორმა TruthSocial-ზე.
ამერიკის პრეზიდენტი ამტკიცებს, რომ ირანმა პრაქტიკულად დაკარგა სამხედრო შესაძლებლობები.
„მათ არ ჰყავთ საზღვაო ძალები, არც საჰაერო ძალები, დარჩენილ ჯარისკაცებს არ უხდიან ანაზღაურებას, ისლამური რევოლუციის გვარდიის კორპუსი არეულობაშია და მათი ხელმძღვანელობა, რბილად რომ ვთქვათ, გაურკვევლობაშია“, - განაცხადა ტრამპმა.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
