ზუგდიდში სასმელი წყლისა და ლიმონათის მწარმოებელ შპს „ანაკლიაში“ ვადაგასული პროდუქციის რეალიზაციისა და ჰიგიენური ნორმების უხეში დარღვევის ფაქტები გამოვლინდა. კომპანიას ჯარიმა დაეკისრა, საწარმოო პროცესი კი შეუჩერდა.

სურსათის ეროვნული სააგენტოს სამეგრელო-ზემო სვანეთის დეპარტამენტის ინსპექტორებმა საწარმო სახელმწიფო კონტროლის ფარგლებში არაგეგმურად შეამოწმეს.

შემოწმების შედეგად საწარმოში კრიტიკული შეუსაბამობები დაფიქსირდა. მათ შორის, გამოვლინდა ჰიგიენური ნორმების უხეში დარღვევა და ინფრასტრუქტურული გაუმართაობა.

ამასთან, სააგენტოს ცნობით, დარღვეული იყო პროდუქციის ეტიკეტირების წესებიც. ინსპექტორებმა ასევე დააფიქსირეს ვადაგასული პროდუქციის რეალიზაციის ფაქტები.

კანონმდებლობის შესაბამისად, ბიზნესოპერატორი დაჯარიმდა, ხოლო საწარმოო პროცესი შეჩერდა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ალბანეთში პრემიერ-მინისტრის გადადგომის მოთხოვნით საპროტესტო აქციები გრძელდება, პოლიცია კი რეზინის ტყვიებს იყენებს

პაპუაშვილი - რასაც საფრანგეთში ვუყურებთ, გვახსენებს, რომ სხვის ქვეყანაში ქარის დამთესი, საკუთარში ქარიშხალს მოიმკის

პოლონეთმა სამხედრო თვითმფრინავები დასავლეთ უკრაინაზე რუსეთის თავდასხმების ფონზე აფრინდა

ტრამპმა ევროპას შესთავაზა, რუსული გაზის შესყიდვას დაუბრუნდეს