"საქართველოში იმყოფება კანონიერი საფუძვლის გარეშე" - შსს უნგრელი ჟურნალისტის დაკავებაზე

2026-08-05 20:18:33, 626 ნახვა

საზოგადოება

უწყების ცნობით, მიმდინარეობს უნგრელი ჟურნალისტის ლასლო რობერტ მეზეშის დაკავების პროცედურა.

შსს-ში ამბობენ, რომ "აღნიშნული პიროვნება საქართველოში იმყოფება კანონიერი საფუძვლის გარეშე და დარღვეული აქვს ქვეყანაში ყოფნის ვადები. აღნიშნულიდან გამომდინარე მიმდინარეობს პირის დაკავების პროცედურა "უცხოელთა და მოქალაქეობის არმქონე პირთა სამართლებრივი მდგომარეობის შესახებ" კანონის 64-ე მუხლის მე-2 პუნქტის "ბ" ქვეპუნქტის საფუძველზე."

ფაქტზე ინფორმაცია თავდაპირველად ადვოკატმა მარიკა არევაძემ გაავრცელა. იგი წერს, რომ ჟურნალისტი ქვეყანაში ლეგალურად იმყოფება.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან