ტაილანდის საელჩომ განაცხადა, რომ პოპულარული თრეველ-ბლოგერის, გარდაცვალების შესახებ ოფიციალური შეტყობინება მხოლოდ 29 ივლისს მიიღო

2026-08-03 22:28:34, 2139 ნახვა

პოლიტიკა

ტაილანდის საელჩომ განაცხადა, რომ პოპულარული თრეველ-ბლოგერის, ბოვორნრატ პენგსუკის (ჰლუნ სოლო) გარდაცვალების შესახებ ოფიციალური შეტყობინება მხოლოდ 29 ივლისს მიიღო, მიუხედავად იმისა, რომ მისი ცხედარი თბილისის ერთ-ერთ სასტუმროში ჯერ კიდევ 14 ივლისს იპოვეს.

დიპლომატები ქართული მხარისგან ითხოვენ განმარტებას, თუ რატომ გადაიცა ინფორმაცია ასეთი დაგვიანებით.

საქართველოს საგარეო საქმეთა სამინისტროს სიტუაციაზე კომენტარი ჯერ არ გაუკეთებია.

2-კვირიანი ძებნის შემდეგ სასტუმროში გარდაცვლილი იპოვეს ტაილანდელი მოგზაური და ცნობილი იუთუბერი, ბავორნტატ პენგსუკი (ჰლუნ სოლო). მისი ოჯახი საზოგადოებას დახმარებისთვის მიმართავდა მას შემდეგ, რაც 13 ივლისს საქართველოში მარტო მოგზაურობის დროს მასთან კავშირი სრულად დაკარგეს.

ტაილანდური მედიისა და მისი ძმის, Klose Mos-ის ცნობით, ოჯახმა ჰლუნთან დაკავშირება ვეღარ შეძლო ვერც ტელეფონით და ვერც ონლაინარხების საშუალებით ჰლუნ სოლო საქართველოში მარტო ჩამოვიდა იუთუბვიდეოს გადასაღებად, თუმცა ოჯახი არ აკონკრეტებს მის ზუსტ მარშრუტს და იმ გარემოებებს, თუ რა ვითარებაში გაწყდა კონტაქტი.

საქმეს შსს თვითმკვლელობამდე მიყვანის მუხლით იძიებს