გამოცემა New York Times-ი ირანისა და დასავლეთის ინფორმირებულ წყაროებზე დაყრდნობით წერს, რომ ირანი უკრაინის ერთ-ერთ პორტზე სარაკეტო დარტყმის შესაძლებლობას განიხილავდა, თუმცა ეს გეგმა დიპლომატიური ძალისხმევის შედეგად ამ ეტაპზე გადაიფიქრა.

ირანი უკრაინაზე საპასუხო დარტყმას გეგმავდა მას შემდეგ, რაც 25 ივლისს კიევი კასპიის ზღვაში ირანულ სატვირთო გემზე შეტევასა და ერთი მეზღვაურის დაღუპვაში დაადანაშაულა.

ვოლოდიმირ ზელენსკიმ მაშინ განაცხადა, რომ უკრაინის თავდაცვის ძალებმა დაარტყეს გემებს, რომლებიც ირანიდან სამხედრო ტვირთების ტრანსპორტირებაში მონაწილეობდნენ.

NYT-ის ცნობით, ირანმა დარტყმა დეესკალაციის მიზნით დაწყებული აქტიური დიპლომატიური მუშაობისა და სიტუაციის სტაბილიზაციის ფონზე მიატოვა. ვითარება მას შემდეგ დაიძაბა, რაც 27 ივლისს ირანის საგარეო საქმეთა მინისტრმა აბას არაყჩიმ განაცხადა, რომ კასპიის ზღვაში ირანულ გემზე თავდასხმას უპასუხებდნენ, თუმცა უკვე მეორე დღეს, 28 ივლისს, მას ტელეფონით უკრაინის საგარეო საქმეთა მინისტრის მოვალეობის შემსრულებელი ანდრი სიბიჰა ესაუბრა.

სატელეფონო კონტაქტის შემდეგ სიბიჰამ აღნიშნა, რომ მიზანი არასაჭირო ესკალაციის თავიდან აცილებაა და უკრაინის ყველა ქმედება მხოლოდ რუსეთის აგრესიისგან თავდასაცავად ხორციელდება და არასდროს მიმართულა სამოქალაქო პირების ან გემების წინააღმდეგ, ამასთანავე მან ხაზი გაუსვა რუსეთისთვის მხარდაჭერის შეწყვეტის აუცილებლობას.

თავის მხრივ, აბას არაყჩიმ განაცხადა, რომ სიბიჰამ დაარწმუნა ირანული გემის წინააღმდეგ თავდასხმის არგანზრახულობაში, თუმცა ირანულმა მხარემ კვლავ მკაფიოდ აღნიშნა, რომ ირანის მოქალაქეებსა და ინტერესებზე თავდასხმა მიუღებელია და ზარალის ანაზღაურებაა საჭირო.

ავტორი: ექსპრესნიუსი,

სოციალური ქსელები

კინოპროდიუსერი და კინოთეატრების ქსელ კავეას ხელმძღვანელი ოთარ ბუბაშვილი გარდაიცვალა

მარინ ლეპენი დემოკრატიის საფრთხის შესახებ აფრთხილებს და მაკრონის მთავრობას აკრიტიკებს

ფასების ზრდის წინააღმდეგ საპროტესტო აქციები: მილანში 50 ადამიანი დააკავეს, შეტაკებები ტურინსა და ბოლონიაშიც

თურქ მომღერალ ილიას იალჩინტაშს ნარკოტიკებთან დაკავშირებულ საქმეში მინიმუმ 10 წლით თავისუფლების აღკვეთა ემუქრება