საქართველოს განათლებისა და მეცნიერების მინისტრმა გივი მიქანაძემ ხელი მოაწერა ბრძანებას, რომლითაც საჯარო სკოლებში დაწყებითი სკოლის მოსწავლეებისთვის სასკოლო ფორმების ფასი 25 და 45 ლარად განისაზღვრა.

ბრძანების დანართში მითითებულია თითოეული ფორმის ფიქსირებული ფასი:

სასკოლო პიჯაკი ბიჭებისთვის — 45 ლარი (17 დოლარზე მეტი);
სასკოლო შარვალი ბიჭებისთვის — 25 ლარი (10 დოლარამდე);
სასკოლო პიჯაკი გოგონებისთვის — 45 ლარი;
სასკოლო შარვალი გოგონებისთვის — 25 ლარი;
სასკოლო ქვედაბოლო:
მოკლე — 25 ლარი;
გრძელი — 25 ლარი.
ფასი ფიქსირებულია და მისი სხვა ფასად გაყიდვა აკრძალულია.

შეგახსენებთ, რომ 2026-2027 სასწავლო წლისთვის, საქართველოს განათლების სამინისტრო დაწყებითი სკოლის მოსწავლეებისთვის სასკოლო ფორმებს შპს „გლორი ტექსტილის ინდუსტრიისგან“ შეიძენს. კომპანიის საწარმოო ობიექტები ჩინეთში მდებარეობს.

საქართველოს ხელისუფლების მიერ განხორციელებული განათლების სისტემის რეფორმის შესაბამისად, სკოლის ფორმის ტარება სავალდებულო გახდა საჯარო სკოლების პირველიდან მეექვსე კლასის ჩათვლით მოსწავლეებისთვის.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

საფრანგეთში არეულობის დროს დაახლოებით 1800 ადამიანი დააკავეს, ხოლო სასწრაფო დახმარების 500-ზე მეტი თანამშრომელი დაშავდა

ალბანეთში პრემიერ-მინისტრის გადადგომის მოთხოვნით საპროტესტო აქციები გრძელდება, პოლიცია კი რეზინის ტყვიებს იყენებს

პაპუაშვილი - რასაც საფრანგეთში ვუყურებთ, გვახსენებს, რომ სხვის ქვეყანაში ქარის დამთესი, საკუთარში ქარიშხალს მოიმკის

პოლონეთმა სამხედრო თვითმფრინავები დასავლეთ უკრაინაზე რუსეთის თავდასხმების ფონზე აფრინდა