საქართველოს მეხუთე პრეზიდენტი სალომე ზურაბიშვილი პოსტით ეხმაურება თბილისში გუშინ მომხდარ კრიმინალურ შემთხვევებს - თავდასხმას ონისე ოქრიაშვილზე, ვერაზე მომხდარ დაჭრას.

"გუშინ მომხდარ ტრაგედიაზე ვერც ვერაფერს ვწერ, იმდენად შემზარავი და აბსურდამდე მისულია ამ ახალგაზრდა სიცოცხლის ასე ერთი გასროლით მოსპობა. სიტყვები არ ყოფნის და სიტყვების მაგივრად ბრაზი გიპყრობს. რატომ? რატომ გახდა ეს ქვეყანა ტრაგედიის, სიკვდილის, უსამართლობის, სიძულვილისა და სისასტიკის ქვეყანა? რა დაგვემართა და რა დაგვმართეს?

და გუშინდელ სრულიად განსხვავებულ მოვლენებზე თუ დავფიქრდენით, მათ ერთი რამე აერთიანებს. სამივე შემთხვევაში სამიზნ იუმორია :

- ბავშვები მანქანაში იცინოდნენ! რა გაცინებთო!!! და მოკლეს!

- ჟურნალისტი ირიბ იუმორით აშარჟებს რეპრესიული სქროლ სქრინის სააგენტოს და მის აკრძალვებს. როგორ ბედავო? და დაიჭირეს!

- მსახიობი სტანდაპზე აშარჟებს ყველას და ყველაფერს, რამეთუ ირონია არის ფილოსოფიის ნაწილი, სხვა კუთხით სამყაროს დანახვისა და გააზრების საშუალება. და ოთხი კაცი დაესხა თავს!

ანუ ის რამაც საბჭოთა რეჟიმის დროს საზოგადოებას და პიროვნებას გადაატანინა უმძიმესი დღეები, რაც ჩვენი ხასიათის განუყოფელი ნაწილია, ისიც უნდა ამოიძირკოს!!!

რუსის ოცნება!", - წერს სალომე ზურაბიშვილი. 

ავტორი: ექსპრესნიუსი,

სოციალური ქსელები

კინოპროდიუსერი და კინოთეატრების ქსელ კავეას ხელმძღვანელი ოთარ ბუბაშვილი გარდაიცვალა

მარინ ლეპენი დემოკრატიის საფრთხის შესახებ აფრთხილებს და მაკრონის მთავრობას აკრიტიკებს

ფასების ზრდის წინააღმდეგ საპროტესტო აქციები: მილანში 50 ადამიანი დააკავეს, შეტაკებები ტურინსა და ბოლონიაშიც

თურქ მომღერალ ილიას იალჩინტაშს ნარკოტიკებთან დაკავშირებულ საქმეში მინიმუმ 10 წლით თავისუფლების აღკვეთა ემუქრება