ვაკის პარკის შადრევნის საქმეზე მსჯავრდებული ლაშა ფურცხვანიძე ციხიდან ვადაზე ადრე გაათავისუფლეს. "კომპანია "გრინსერვისი+“-ის უკვე  ყოფილმა დირექტორმა საპატიმრო გუშინ დატოვა.

ლაშა ფურცხვანიძე, რომელსაც ექვს წლიანი პატიმრობა 2023 წლის 10 ივლისს შეეფარდა, "პირველებს" ეუბნება, რომ საპატიმროდან ელექტრონული სამაჯურით გამოუშვეს.

• საქმე ეხება ვაკის პარკში დატრიალებულ ტრაგედიას, რომელსაც 13 წლის მარიტას სიცოცხლე ემსხვერპლა. გამოძიებსი თანახმად, შადრევანი, საიდანაც დენმა გაჟონა სწორედ "გრინსერვისი+“-ის დამონტაჟებული იყო.

ფურცხვანიძის განმარტებით, ვადაზე ადრე ციხიდან უდოს გადაწყვეტილებით გათავისუფლდა. 

გუშინ დავტოვე საპატიმრო. დიახ სამაჯურით გამომიშვეს. უდოს კომისიას მივმართე და მათი გადაწყვეტილება იყო. იმ კომპანიაში არ დავბრუნდები, თუმცა ვერ გეტყვით ჯერჯერობით ოჯახთან ვარ და ამას ვაპირებ. მომავალი გვაჩვენებს", - განაცხადა ლაშა ფურცხვანიძემ. 

"პირველებმა" ფურცხვანიძეს ჰკითხა, იყო თუ ნებართა გარდაცვლილი მარიტა მეფარიშვილის ოჯახისგან მის გათავისუფლებაზე ან აპირებს თუ არა მათთან შეხვედრას: 

(მარიტას) ოჯახისთვის მე არ მიმიმართავს.  არ ვაპირებ (მარიტას) ოჯახთან შეხვედრას". - განაცხადა ფურცვანიძემ. 

მკვლელი შადრევნის საქმეზე განაჩენი 2023 წლის 10 ივლისს გამოცხადდა - მოსამართლე ლაშა კლდიაშვილმა ცხრა ბრალდებულიდან ერთი უდანაშაულოდ ცნო, რვას კი პატიმრობა შეუფარდა, მათ შორის გრინ სერვის პლუსის ხელმძღვანელს.

ლაშა ფურცხვანიძეს სასამართლომ 6 წელი მიუსაჯა. გიორგი გობეჯიშვილს  4, ვალერი გობეჯიშვილს 3 წელი, ნუგზარ ქიტიაშვილს 3 წელი, დავით თუშიშვილს 3 წელი და 6თვე, დევი კახოიძეს 3 წელი, გიორგი ვახტანგაშვილს 3 წელი , ლაშა ჭიღიტაშვილს 3 წელი, ბექა მურღვლიანს 3 წელი, ხოლო ვალერი გოგიშვილი  ცნობილ იქნა უდანაშაულოდ.

• გრინსერვის პლუსის დირექტორმა განაჩენის გამოცხადების დღეს თქვა, რომ გამოძიებამ არ დაადგინა მთავარი, ვინ იყო მწარმოებელი კომპანია და ჰქონდა  თუ არა მას დაშვებული შეცდომები მაშინ, როდესაც გრინსერვის პლუსს მიაწოდეს ის ტექნიკა, რითაც მათ სამუშაოები შეასრულეს.

"გრინსერვისი+“-ის დირექტორს, ლაშა ფურცხვანიძეს გამოძიება უხარისხო სამუშაოების შესრულებას ედავებოდა, რამაც ადამიანის სიცოცხლის მოსპობა და ორი ადამიანის ჯანმრთელობის დაზიანება გამოიწვია (სსკ-ის 251-ე მუხლის მე-2 და მე-3 ნაწილი), ასევე მას ბრალი ჰქონდა წარდგენილი ყალბი ოფიციალური დოკუმენტების გამოყენების ფაქტზე, რამაც მნიშვნელოვანი ზიანი გამოიწვია (362-ე მუხლის მე-2 ნაწილის „ბ“ ქვეპუნქტი)."

ცნობისთვის, 2022 წლის 13 ოქტომბერს, ვაკის პარკში მომხდარი ტრაგედიის შედეგად, 13 წლის მარიტა მეფარიშვილი გარდაიცვალა.

ავტორი: გიორგი ბაზაევი, ექსპრესნიუსის რეპორტიორი 2010 წლიდან

სოციალური ქსელები

უკრაინა რუსეთს ზედიზედ მესამე დღეა უტევს რეკორდული რაოდენობის დრონებით

რუსეთის საარჩევნო კომისია, საზღვარგარეთ მცხოვრებ რუსებს არჩევნებში მონაწილეობის მიღებას აუკრძალავს, ივანიშვილის რეჟიმმა პუტინს ნახევარი წლით დაასწრო

კობახიძე ოკუპირებულ აფხაზეთში საწვავის შეტანაზე- ჩვენთვის მიზანი არა ფულის შოვნა, არამედ ნდობის აღდგენა იყო

კობახიძე- თეორიულადაც ვერ წარმომიდგენია, რატომ შეიძლება შეექმნას ღარიბაშვილის ოჯახს საფრთხე