უკრაინის უსაფრთხოების სამსახურის (SBU) საზღვაო უპილოტო აპარატებმა „კოზაკ მამაიმ“ შავ ზღვაში მორიგი წარმატებული ოპერაცია ჩაატარეს და რუსეთის „ჩრდილოვანი ფლოტის“ ორ ტანკერს — „Louise 1“-სა და „Banda“-ს მიაყენეს დარტყმა.

ორივე გემი აქტიურად მონაწილეობდა ბალტიის ზღვის აუზში რუსული ნავთობის უკანონო ტრანსპორტირებაში, თუმცა მოგვიანებით ისინი ნოვოროსიისკის პორტისკენ გადაამისამართეს.

ოპერაციის მსვლელობისას მტრის დაზვერვამ უკრაინული საზღვაო დრონები აღმოაჩინა. რუსულმა ავიაციამ უპილოტო კატარღების მიმართულებით ჰაერიდან ინტენსიური ცეცხლი გახსნა, თუმცა იერიში უშედეგო აღმოჩნდა — „კოზაკ მამაიმ“ დასახულ მიზანს მიაღწია.

SBU-მ ჯერ კიდევ 2023 წელს წარადგინა მტკიცებულებები იმისა, თუ რატომ ინარჩუნებენ აღნიშნული საზღვაო დრონები საბრძოლო შესაძლებლობებსა და მანევრირებას პირდაპირი ცეცხლის ქვეშ მოხვედრის შემდეგაც კი. მაღალი გამძლეობა, დაბალი შესამჩნეობა და კონსტრუქციული მდგრადობა მათ შავ ზღვაში რუსული სამხედრო და ლოგისტიკური ინფრასტრუქტურის წინააღმდეგ ეფექტურ იარაღად აქცევს.

„კოზაკ მამაი“ (Sea Baby-სთან ერთად) უკრაინული წარმოების მრავალფუნქციური საზღვაო დრონია, რომელსაც შეუძლია როგორც დაზვერვა, ისე დიდი მანძილიდან დამრტყმელი ოპერაციების განხორციელება. «ჩრდილოვანი ფლოტის» ტანკერები კი რუსეთის მიერ საერთაშორისო სანქციების გვერდის ავლითა და ნავთობის ექსპორტის გასაგრძელებლად გამოიყენება- ინფორმაცაიას და ვიდეომასალას უკრაინული ტელეგრამჩატი ავრცელებს.

ავტორი: ექსპრესნიუსი,

სოციალური ქსელები

თურქ მომღერალ ილიას იალჩინტაშს ნარკოტიკებთან დაკავშირებულ საქმეში მინიმუმ 10 წლით თავისუფლების აღკვეთა ემუქრება

ზელენსკიმ აშშ-სა და რუსეთს შორის შესაძლო დაახლოებას „ისტორიული შეცდომა“ უწოდა

საფრანგეთში არეულობის დროს დაახლოებით 1800 ადამიანი დააკავეს, ხოლო სასწრაფო დახმარების 500-ზე მეტი თანამშრომელი დაშავდა

ალბანეთში პრემიერ-მინისტრის გადადგომის მოთხოვნით საპროტესტო აქციები გრძელდება, პოლიცია კი რეზინის ტყვიებს იყენებს