უკრაინაში მაიდნის წლისთავს გიორგი მარგველაშვილი დაესწრება

2015-02-19 12:59:15, 301 ნახვა

პოლიტიკა

კიევში მაიდნის წლისთავთან დაკავშირებულ ცერემონიალში, რომელიც უკრაინის ხელისუფლების ორგანიზებით იმართება, საქართველოს დელეგაციას პრეზიდენტი უხელმძღვანელებს.

ამის შესახებ საპარლამენტო უმრავლესობის ლიდერმა დავით საგანელიძემ „კურიერთან“ საუბრისას განაცხადა.

"ბატონი პრეზიდენტი მიემგზავრება უკრაინაში ერთი დღით, სადაც ის მონაწილეობას მიიღებს იმ ღონისძიებაში, რომელსაც გეგმავს უკრაინის ხელისუფლება“, - განაცხადა საგანელიძემ.

პრეზიდენტმა მარგველაშვილმა ოფიციალური მიწვევა უკვე მიიღო, თუმცა მის წასვლასთან დაკავშირებით, პრეზიდენტის ადმინისტრაციაში ოფიციალური განცხადება ჯერჯერობით არ გაუკეთებიათ.

ცნობისთვის, მაიდნის წლისთავი კიევში ხვალ, 20 თებერვალს აღინიშნება. მზადება დღს საღამოდან დაიწყება.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან