აშშ-ის პრეზიდენტმა დონალდ ტრამპმა ნატოს ლიდერებს დახურულ შეხვედრაზე განუცხადა, რომ ვაშინგტონი ჩრდილოატლანტიკურ ალიანსში დარჩენას აპირებს. ამის შესახებ Reuters-ი წყაროზე დაყრდნობით წერს.

გამოცემის ინფორმაციით, ანკარაში მიმდინარე ნატოს სამიტზე ტრამპმა ლიდერებს უთხრა: „ჩვენ თქვენთან დარჩენა გვინდა“.

ამავე წყაროს ცნობით, აშშ-ის პრეზიდენტმა განაცხადა, რომ ვაშინგტონი მზად არის, მოკავშირე ქვეყნებისთვის შეიარაღების გაყიდვა გააგრძელოს, მიუხედავად იმისა, თუ როგორ გამოიყენებენ ისინი ამ იარაღს.

Reuters-ის ცნობით, სამიტის დახურულ შეხვედრაზე ტრამპს აღარ გაუმეორებია ესპანეთის მიმართ ადრე გამოთქმული კრიტიკა. ასევე, მას არ უსაუბრია ირანთან დროებითი ცეცხლის შეწყვეტის შეთანხმების დასრულებაზე და არც გრენლანდიის საკითხი უხსენებია, რომელიც ბოლო პერიოდში ალიანსის წევრებს შორის უთანხმოების მიზეზი გახდა.

თეთრ სახლს აღნიშნულ ინფორმაციაზე ოფიციალური კომენტარი ჯერჯერობით არ გაუკეთებია.

ავტორი: ექსპრესნიუსი,

სოციალური ქსელები

საერთაშორისო გამჭვირვალობა - - ვახო სანაია ისჯება ბიძინა ივანიშვილისა და „ქართული ოცნების“ რეჟიმის მხილების, პრინციპული პოზიციისა და საქართველოს ევროპული მომავლისთვის ბრძოლის გამო

ზურაბიშვილი ვახო სანაიაზე - საქართველო მოსკოვის სცენარს სიტყვასიტყვით იმეორებს

საქართველოს ექსპორტი $6.1 მილიარდამდე გაიზარდა - პირველ ადგილზეა მსუბუქი ავტომობილები

ჟურნალისტ ვახო სანაიას სოციალურ ქსელში დაწერილი პოსტის გამო 30-დღიანი პატიმრობა შეუფარდეს