ALDE (ევროპული პოლიტიკური გაერთიანება „ლიბერალებისა და დემოკრატების ალიანსი ევროპისთვის“) ვენაში დაგეგმილ კონფერენციაზე საქართველოს შესახებ რეზოლუციის მიღებას გეგმავს.

პარტიამ „დროა!“ წარადგინა დოკუმენტის პროექტი, რომელშიც ნათქვამია, რომ „მიუხედავად იმისა, რომ ფართო რეგიონი რუსეთის გავლენას ამცირებს, საქართველოს მმართველმა პარტიამ თავისი მთავრობა აღმოსავლეთ ევროპაში რუსეთის უკანასკნელ დასაყრდენად და სატელიტად აქცია“.

ALDE აღიარებს ქართველი ხალხის ურყევ ერთგულებას ევროკავშირში გაწევრიანების მისწრაფებების მიმართ. შეშფოთება გამოითქვა პოლიტიკოსებისა და მომიტინგეების ბოლოდროინდელი დაპატიმრებების გამო. ამ კონტექსტში, დოკუმენტში ნახსენებია ექიმი გიორგი ჩახუნაშვილი, „დროა!“ პარტიის ლიდერი ელენე ხოშტარია და „სტრატეგია აღმაშენებლის“ პარტიის გენერალური მდივანი პაატა მანჯგალაძე.

ALDE მოუწოდებს ევროკავშირის ლიდერებს და ევროპულ სახელმწიფოებს, დააწესონ პერსონალური სანქციები ქვეყანაში დემოკრატიული უკუქცევისა და ადამიანის უფლებების სერიოზული დარღვევებისთვის პასუხისმგებელი პირების, ასევე „ივანიშვილის რეჟიმის მხარდამჭერი და დამფინანსებელი ქსელების“ მიმართ.

პოლიტიკური ალიანსი რეკომენდაციას უწევს „ქართულ ოცნებასა“ და საქართველოს მოსახლეობას შორის მკაფიო გამიჯვნის შენარჩუნებას და საქართველოს მოქალაქეებისთვის უვიზო მიმოსვლის შენარჩუნებას.

ALDE-ს რეზოლუციის მიღება საქართველოს შესახებ 4 ივლისს არის დაგეგმილი.

ავტორი: ექსპრესნიუსი,

სოციალური ქსელები

საერთაშორისო გამჭვირვალობა - - ვახო სანაია ისჯება ბიძინა ივანიშვილისა და „ქართული ოცნების“ რეჟიმის მხილების, პრინციპული პოზიციისა და საქართველოს ევროპული მომავლისთვის ბრძოლის გამო

ზურაბიშვილი ვახო სანაიაზე - საქართველო მოსკოვის სცენარს სიტყვასიტყვით იმეორებს

საქართველოს ექსპორტი $6.1 მილიარდამდე გაიზარდა - პირველ ადგილზეა მსუბუქი ავტომობილები

ჟურნალისტ ვახო სანაიას სოციალურ ქსელში დაწერილი პოსტის გამო 30-დღიანი პატიმრობა შეუფარდეს