ამერიკის შეერთებული შტატები პოლონეთს რუსეთის შესაძლო თავდასხმაზე აფრთხილებს და აცხადებს, რომ რუსეთის მიზანი NATO-ს წინააღმდეგობის უნარის შემოწმებაა.

თავდასხმის ობიექტი შესაძლოა ინფრასტრუქტურა გახდეს, იერიშები შესაძლოა მიიტანონ დრონებით, რაკეტებით ან ქვეთების საზღვრის კვეთით.

ვაშინგტონმა ვარშავა ამ შეთქმულების შესახებ უკვე რამდენჯერმე გააფრთხილა - ამის შესახებ პოლონეთის პრეზიდენტთან, კაროლ ნავროცკისთან დაახლოებულმა   წყაროებმა განუცხადეს. პოლონურ საინფორმაციო გამოცემა Onet-ს (რომელიც, The Telegraph-თან ერთად, Axel Springer-ის მფლობელობაშია და მისი გლობალური რეპორტიორების ქსელის ნაწილია).

რუსული პროვოკაციის მიზანი დაძაბულობის ესკალაცია და დასავლელი მოკავშირეების იძულებაა, შეაჩერონ უკრაინის დახმარება. ეს გეგმა შესაძლოა უახლოეს თვეებში იქნას სისრულეში მოყვანილი.

პოლონეთის უსაფრთხოების სამსახურების წარმომადგენლები არ გამორიცხავენ უფრო ტრადიციულ თავდასხმასაც, როგორიცაა NATO-ს აღმოსავლეთ ფლანგზე რუსი ჯარისკაცების მცირე სახმელეთო შეჭრა.

Onet-ის უსაფრთხოების წყაროების თანახმად, პროვოკაციის სცენარები შეიძლება მოიცავდეს დრონების თავდასხმას კრიტიკულ ინფრასტრუქტურაზე (მაგალითად, ელექტროსადგურებზე) ან სიმულაციურ საჰაერო იერიშებს, რაც პოლონეთს საჰაერო თავდაცვის სისტემების გააქტიურებას აიძულებს.

პოლონეთის დაზვერვის ერთ-ერთმა წყარომ აღნიშნა, რომ ყველაზე უკიდურეს სცენარში შესაძლოა ვიხილოთ „ჰიბრიდული თავდასხმა სასაზღვრო რეგიონში“. ამავე წყაროს თქმით, რუსი ან ბელარუსი ჯარისკაცების მონაწილეობით შეიარაღებული შეჭრაც კი დასაშვებია.

ეს ყველაფერი რუსეთმა შესაძლოა წარმოაჩინოს, როგორც GPS-ის გაუმართაობის გამო პოლონეთის ტერიტორიაზე შემთხვევით გადასვლა, ან როგორც საეჭვო სამაშველო მისია დაზიანებული ვერტმფრენის გამოსახსნელად.

„აშშ სისტემატურად აწვდის პოლონეთს ინფორმაციას რუსეთის ახალ-ახალი გეგმების შესახებ, რომლებიც NATO-ს აღმოსავლეთ ფლანგზე ტრადიციულ თავდასხმას გულისხმობს და ამ საფრთხისგან პოლონეთი ნამდვილად არ არის დაზღვეული“, - განაცხადა პოლონეთის პრეზიდენტთან დაახლოებულმა პირმა.

მეორე წყარომ, რომელიც NATO-ს ალიანსში პოლონეთის ერთ-ერთი მოკავშირე ქვეყნის ელჩია, ასევე დაადასტურა, რომ ბალტიისპირეთის ქვეყნებსა და პოლონეთში პროვოკაციის მოწყობაა დაგეგმილი და ის სერიოზულ რისკს წარმოადგენს. ამავეს აცხადებს პოლონეთის თავდაცვის სამინისტროს მესამე წყაროც.

ბალტიისპირეთის უსაფრთხოების მეოთხე წყარომ The Telegraph-ს დაუდასტურა, რომ მსგავსი გეგმები მოსკოვში მართლაც განიხილება. ამასთან, რუსეთმა შესაძლოა სცადოს, მომხდარ პროვოკაციაში მოგვიანებით უკრაინა დაადანაშაულოს.

რუსეთის მხრიდან ნებისმიერი სახმელეთო თავდასხმა შესაძლოა განხორციელდეს ან კალინინგრადიდან (რუსული ექსკლავი პოლონეთის ჩრდილოეთით, სადაც ბირთვული იარაღია განთავსებული), ან აღმოსავლეთიდან - ბელარუსის ტერიტორიიდან.

ავტორი: ექსპრესნიუსი,

სოციალური ქსელები

საერთაშორისო გამჭვირვალობა - - ვახო სანაია ისჯება ბიძინა ივანიშვილისა და „ქართული ოცნების“ რეჟიმის მხილების, პრინციპული პოზიციისა და საქართველოს ევროპული მომავლისთვის ბრძოლის გამო

ზურაბიშვილი ვახო სანაიაზე - საქართველო მოსკოვის სცენარს სიტყვასიტყვით იმეორებს

საქართველოს ექსპორტი $6.1 მილიარდამდე გაიზარდა - პირველ ადგილზეა მსუბუქი ავტომობილები

ჟურნალისტ ვახო სანაიას სოციალურ ქსელში დაწერილი პოსტის გამო 30-დღიანი პატიმრობა შეუფარდეს