ბაზისბანკის მხარდაჭერით და საქართველოს საბანკო ასოციაციის თანაორგანიზებით, საქართველოს ეკონომიკის ასოციაციის II საერთაშორისო კონფერენცია გაიმართა.

კონფერენცია მნიშვნელოვან საერთაშორისო აკადემიურ პლატფორმას წარმოადგენს, ღონისძიებაში ადგილობრივი და მსოფლიოს წამყვანი უნივერსიტეტებისა და კვლევითი ინსიტიტუტების 50-ზე მეტმა მომხსენებელმა მიიღო მონაწილეობა.

მსგავსი მასშტაბისა და მნიშვნელობის ღონისძიებები განსაკუთრებულ როლს ასრულებს აკადემიურ წრეებს შორის თანამშრომლობის გაღრმავებაში, თანამედროვე ეკონომიკური გამოწვევების განხილვასა და იმ ცოდნის გაზიარებაში, რომელიც ეკონომიკური განვითარების, ფინანსური სტაბილურობისა და მდგრადი ზრდის ხელშეწყობას ემსახურება.

კონფერენციის ფარგლებში გაიმართა პანელური დისკუსია თემაზე „ფინანსური განვითარება და ეკონომიკური ზრდა“. დისკუსია დაეთმო ფინანსური სექტორის და ეკონომიკური განვითარების ურთიერთკავშირს, ფინანსური სისტემების გავლენას ინვესტიციებსა და მდგრად განვითარებაზე. ასევე, იმ გამოწვევებსა და შესაძლებლობებს, რომლებიც საქართველოს ეკონომიკურ გარემოში ფინანსური სექტორის წინაშე დგას.

დისკუსიის მონაწილეები ეკონომიკური სისტემის სხვადასხვა სეგმენტს წარმოადგენდნენ და საკითხი სხვადასხვა კუთხით განიხილეს, რომელშიც კომერციული ბანკების, საქართველოს ეროვნული ბანკის, სახელმწიფო კორპორაციის და აკადემიური წრის წარმომადგენლები მონაწილეობდნენ. პანელს საქართველოს საბანკო ასოციაციის პრეზიდენტი ალექსანდრე ძნელაძე გაუძღვა, ხოლო მომხსენებლები იყვნენ ვატო ბაბუნაშვილი (ლიბერთი, ბაზისბანკის ჰოლდინგი), გიორგი ბაქრაძე (პროკრედიტ ბანკი), დავით უტიაშვილი (საქართველოს ეროვნული ბანკი), ირაკლი გაბრიაძე (საქართველოს ეკონომიკის განვითარების კორპორაცია) და ჯოზეფ კაბოსკი (ნოტრდამის უნივერსიტეტი).

ავტორი: R (რეკლამა),

სოციალური ქსელები

მარინ ლეპენი დემოკრატიის საფრთხის შესახებ აფრთხილებს და მაკრონის მთავრობას აკრიტიკებს

ფასების ზრდის წინააღმდეგ საპროტესტო აქციები: მილანში 50 ადამიანი დააკავეს, შეტაკებები ტურინსა და ბოლონიაშიც

თურქ მომღერალ ილიას იალჩინტაშს ნარკოტიკებთან დაკავშირებულ საქმეში მინიმუმ 10 წლით თავისუფლების აღკვეთა ემუქრება

ზელენსკიმ აშშ-სა და რუსეთს შორის შესაძლო დაახლოებას „ისტორიული შეცდომა“ უწოდა