ევროკავშირის დელეგაცია, რომელსაც მთავარი დიპლომატი კაია კალასი ხელმძღვანელობს, სამშაბათს, ანკარაში ნატოს სამიტამდე რამდენიმე დღით ადრე, თურქეთს ეწვევა.

ამის შესახებ 30 ივნისს გამოცემა „ჰურიეთ დეილი ნიუსი“ იტყობინება.

კალასის გარდა, 30 ივნისს ანკარას გაფართოებისა და შინაგან საქმეთა ევროკომისრები, მარტა კოსი და მაგნუს ბრუნერი ეწვევიან.

დელეგაცია, სავარაუდოდ, თურქეთის საგარეო საქმეთა მინისტრ ჰაკან ფიდანს, ხაზინისა და ფინანსთა მინისტრ მეჰმეთ შიმშეკს და ტრანსპორტისა და ინფრასტრუქტურის მინისტრ აბდულკადირ ურალოღლუს შეხვდება.

სავარაუდოდ, დისკუსიები მოიცავს საკითხების ფართო სპექტრს, ახლო აღმოსავლეთიდან და უკრაინიდან დაწყებული სატრანსპორტო კავშირებით, ევროკავშირის გაფართოებით, მიგრაციითა და ვიზების ლიბერალიზაციის ჩათვლით.

ვიზიტი თურქეთისკენ გადადგმულ მნიშვნელოვან ნაბიჯად ითვლება, რომელსაც ევროკავშირი მრავალ პოლიტიკურ სფეროში თანამშრომლობის მნიშვნელოვან პარტნიორად მიიჩნევს.

ევროპარლამენტის მიერ ქვეყნის შესახებ ბოლო ანგარიშით გამოწვეული დაძაბულობის მიუხედავად, ბლოკმა ანკარასთან ურთიერთობისადმი უფრო ყოვლისმომცველი მიდგომა მიიღო. ცვალებად გეოპოლიტიკურ გარემოში, ევროკავშირი სულ უფრო მეტად აღიარებს თურქეთთან თანამშრომლობის აუცილებლობას საერთო გამოწვევების გადასაჭრელად, ამავდროულად, ცდილობს უფრო ღრმა ჩართულობას ორმხრივი ინტერესის სფეროებში.

თურქეთმა ევროკავშირში გაწევრიანების შესახებ მოლაპარაკებები 2005 წელს დაიწყო, მაგრამ პროცესი 2016 წელს შეჩერდა. თურქეთის პროგრესს ევროპული ინტეგრაციის გზაზე ხელს უშლიდა რიგი ფაქტორები, მათ შორის ადამიანის უფლებების, დემოკრატიული მმართველობის შესახებ შეშფოთება და კვიპროსის შესახებ გადაუჭრელი დავა, რომლის ჩრდილოეთი ნაწილიც თურქეთის ჯარების მიერ არის ოკუპირებული.

ავტორი: ექსპრესნიუსი,

სოციალური ქსელები

კობახიძე ღარიბაშვილზე: პრობლემური განცხადებაა, ჩვენთვის არა, თავისთვის

შსს: დავაკავეთ პირი, რომელსაც FBI ტერორისტული ორგანიზაციების მხარდაჭერისთვის ეძებდა

გამოკითხვა: ტრამპის მოწონების რეიტინგი 33%-მდე დაეცა

მოსკოვზე უკრაინული დრონების ღამის თავდასხმა ბოლო ორი წლის განმავლობაში ყველაზე მასშტაბური იყო