2026-06-16 16:49:51, 6065 ნახვა
საზოგადოება
Marneuli News: დაცვის თანამშრომელი, რომელიც 11 აპრილს სამსახურებრივი უფლებამოსილების შესრულებისას სცემეს, გარდაიცვალა
მარნეულის „ჯეო ჰოსპიტალის“ დაცვის თანამშრომელი, რომელიც 11 აპრილს სამსახურებრივი უფლებამოსილების შესრულებისას სცემეს, გარდაიცვალა. ინფორმაციას “მარნეული ნიუსი” ავრცელებს.
ადგილობრივი გამოცემის ინფორმაციით, „ჯეო ჰოსპიტალის“ დაცვის თანამშრომელი მართვის სუნთქვაზე იმყოფებოდა.
ადგილობრივი გამოცემა, ოჯახის წევრების ინფორმაციაზე დაყრდნობით წერს, რომ დაცვის თანამშრომელს პაციენტის ოჯახის წევრი გაუსწორდა. ის შუახნის კაცს კლინიკაში შეშვებას იმ დროს სთხოვდა, როცა მიღების საათები უკვე ამოწურული იყო. სწორედ უარის მიღების შემდეგ მოხდა დაცვის თანამშრომელზე ფიზიკური ანგარიშსწორება.
მათივე ცნობით, დაკავებულია 1 პირი.
ავტორი: ექსპრესნიუსი,
epn.ge (@expressnews.ge)
